38 shlokas
- 1
हृदयस्य जिह्वायाः क्रोडस्य सव्यस्य कपिललाटस्य पार्श्वयोर्यक्नो वृक्कयोर्दक्षिणस्याः श्रोण्याः गुदतृतीयम् इति द्विर्द्विर् अवदाय जुह्वाम् अवद्यति
hṛdayasya jihvāyāḥ kroḍasya savyasya kapilalāṭasya pārśvayoryakno vṛkkayordakṣiṇasyāḥ śroṇyāḥ gudatṛtīyam iti dvirdvir avadāya juhvām avadyati
- 2
त्रिधा गुदं विच्छिद्यास्याणीयसो देवताभ्यो ऽवद्यति
tridhā gudaṃ vicchidyāsyāṇīyaso devatābhyo 'vadyati
- 3
स्थविष्ठगुदस्योपयड्भ्यो निदधाति
sthaviṣṭhagudasyopayaḍbhyo nidadhāti
- 4
दक्षिणस्य कपिललाटस्य पूर्वार्धान्मध्यमं गुदतृतीयं सव्यायाः श्रोण्या जघनार्धात्सकृत्सकृद् उपभृति स्विष्टकृते
dakṣiṇasya kapilalāṭasya pūrvārdhānmadhyamaṃ gudatṛtīyaṃ savyāyāḥ śroṇyā jaghanārdhātsakṛtsakṛd upabhṛti sviṣṭakṛte
- 5
यूषे मेदः परिप्लाव्य त्रैधं विच्छिद्य जुहूपभृतौ प्रच्छादयति
yūṣe medaḥ pariplāvya traidhaṃ vicchidya juhūpabhṛtau pracchādayati
- 6
शेषम् इडायाम् अभितो दैवतानि हिरण्यशकलाव् अवद्यति
śeṣam iḍāyām abhito daivatāni hiraṇyaśakalāv avadyati
- 7
रेड् असीति स्वधितिना वसाहोमं प्रयौति
reḍ asīti svadhitinā vasāhomaṃ prayauti
- 8
प्रयुता द्वेषांसीति पार्श्वेनापस्त्वा समरिण्वन्न् इति गृहीत्वा पार्श्वेनापिदधाति
prayutā dveṣāṃsīti pārśvenāpastvā samariṇvann iti gṛhītvā pārśvenāpidadhāti
- 9
अनुसुं षडिडाम् अवद्यति वनिष्ठुं सप्तमम्
anusuṃ ṣaḍiḍām avadyati vaniṣṭhuṃ saptamam
- 10
क्लोमानं पुरीततम् इति संकृत्य वर्धयित्वेडां यूषेणोपसिच्य प्रतिपरीत्य प्रचरति
klomānaṃ purītatam iti saṃkṛtya vardhayitveḍāṃ yūṣeṇopasicya pratiparītya pracarati
- 11
इन्द्राग्निभ्यां छागस्य हविषो ऽनुब्रूहि
इन्द्राग्निभ्यां छागस्य हविषः प्रेष्येति संप्रेष्यति
indrāgnibhyāṃ chāgasya haviṣo 'nubrūhi
indrāgnibhyāṃ chāgasya haviṣaḥ preṣyeti saṃpreṣyati
- 12
घृतं घृतपावान इत्य् अर्धर्चे याज्याया वसाहोमं जुहोति
ghṛtaṃ ghṛtapāvāna ity ardharce yājyāyā vasāhomaṃ juhoti
- 13
पृषदाज्येन सकृद् एव तेन वनस्पतिं यजति
pṛṣadājyena sakṛd eva tena vanaspatiṃ yajati
- 14
वनस्पतये ऽनुब्रूहि
वनस्पतये प्रेष्येति संप्रेष्यति
vanaspataye 'nubrūhi
vanaspataye preṣyeti saṃpreṣyati
- 15
वसाम् अशेषेण दिशः प्रति यजति
दिशः स्वाहेति पर्यायैः प्रतिदिशम्
vasām aśeṣeṇa diśaḥ prati yajati
diśaḥ svāheti paryāyaiḥ pratidiśam
- 16
मध्ये पञ्चमेन पूर्वार्धे षष्ठेन
madhye pañcamena pūrvārdhe ṣaṣṭhena
- 17
औपभृतं जुह्वाम् अवनीय स्विष्टकृता प्रचरति
aupabhṛtaṃ juhvām avanīya sviṣṭakṛtā pracarati
- 18
ऐन्द्रः प्राण इति यजमानः पशुं संमृशत्य् अवदानवन्तम्
aindraḥ prāṇa iti yajamānaḥ paśuṃ saṃmṛśaty avadānavantam
- 19
उपहूतायाम् इडायाम् अध्यूध्नीं होत्रे हरन्ति
upahūtāyām iḍāyām adhyūdhnīṃ hotre haranti
- 20
वनिष्ठुम् अग्नीध आदधाति यथाग्नीध्रभागम्
vaniṣṭhum agnīdha ādadhāti yathāgnīdhrabhāgam
- 21
दक्षिणासन्मार्जनसंप्रेषम् उक्त्वाग्नीद् औपयजाङ्गारान् आहरोपयष्टर् उपसीदस्वेति संप्रेष्यति
dakṣiṇāsanmārjanasaṃpreṣam uktvāgnīd aupayajāṅgārān āharopayaṣṭar upasīdasveti saṃpreṣyati
- 22
शामित्राद् आग्नीध्रो ऽङ्गारान्पश्चार्धे वेद्या व्यूह्योपसमादधाति
śāmitrād āgnīdhro 'ṅgārānpaścārdhe vedyā vyūhyopasamādadhāti
- 23
उत्तरतो दक्षिणामुख उपविश्य तस्मिन्प्रतिप्रस्थातोपयजति गुदकाण्डम् एकादशधा सम्भिन्दन्न् अवदाय वषट्कारान्तेष्व् अनुयाजानाम् एकैकं हस्तेन जुहोति
uttarato dakṣiṇāmukha upaviśya tasminpratiprasthātopayajati gudakāṇḍam ekādaśadhā sambhindann avadāya vaṣaṭkārānteṣv anuyājānām ekaikaṃ hastena juhoti
- 24
समुद्रं गच्छ स्वाहेति पर्यायैर् एकादश हुत्वा मनो हार्दिं यच्छेति हृदयदेशम् अभिमृशति
samudraṃ gaccha svāheti paryāyair ekādaśa hutvā mano hārdiṃ yaccheti hṛdayadeśam abhimṛśati
- 25
ओषधीभ्यस्त्वेति दर्भेषु निमार्ष्टि
oṣadhībhyastveti darbheṣu nimārṣṭi
- 26
अपः स्पृष्ट्वा पृषदाज्येनानुयाजान्यजति
apaḥ spṛṣṭvā pṛṣadājyenānuyājānyajati
- 27
देवेभ्यः प्रेष्येति प्रथमे संप्रेष्यति प्रेष्येत्य् उत्तरान्
devebhyaḥ preṣyeti prathame saṃpreṣyati preṣyety uttarān
- 28
एकादशभिः प्रचर्य स्वरुं जुह्वां त्रिर् उपरिष्टात्त्रिर् अधस्ताद् अक्त्वा दधाति दिवं ते धूमो गच्छत्व् इति
ekādaśabhiḥ pracarya svaruṃ juhvāṃ trir upariṣṭāttrir adhastād aktvā dadhāti divaṃ te dhūmo gacchatv iti
- 29
ऊर्ध्वं स्वरुहोमात्प्राग् अनुदेशाद्यूपो नोपस्पृश्यः
ūrdhvaṃ svaruhomātprāg anudeśādyūpo nopaspṛśyaḥ
- 30
सूक्तवाके सूक्ता प्रेष्येति संप्रेष्यति
sūktavāke sūktā preṣyeti saṃpreṣyati

