29 shlokas
- 1
नाना प्राणो यजमानस्य पशुना यज्ञो देवेभिः सह देवयानः
सम्यग् आयुर्यज्ञो यज्ञपतौ दधातु
इति पर्यावृत्येह प्रजा विश्वरूपा रमन्ताम् इति पृषदाज्यम् अवेक्षते यजमानश्च
nānā prāṇo yajamānasya paśunā yajño devebhiḥ saha devayānaḥ
samyag āyuryajño yajñapatau dadhātu
iti paryāvṛtyeha prajā viśvarūpā ramantām iti pṛṣadājyam avekṣate yajamānaśca
- 2
प्रत्यक्शिरसम् उदीचीनपादं संज्ञपयन्ति
pratyakśirasam udīcīnapādaṃ saṃjñapayanti
- 3
स्वर्विद् असीति यजमानः संज्ञप्यमानम् अनुमन्त्रयते
svarvid asīti yajamānaḥ saṃjñapyamānam anumantrayate
- 4
न वा एतन्म्रियस इत्य् अध्वर्युः
na vā etanmriyasa ity adhvaryuḥ
- 5
यत्पशुर्मायुम् अकृतोरो वा पड्भिर् आहते
अग्निर्मा तस्माद् एनसो विश्वान्मुञ्चत्व् अंहसः
इति संज्ञप्ते जुहोति
yatpaśurmāyum akṛtoro vā paḍbhir āhate
agnirmā tasmād enaso viśvānmuñcatv aṃhasaḥ
iti saṃjñapte juhoti
- 6
शमितार उपेतनेति संप्रेष्यति
śamitāra upetaneti saṃpreṣyati
- 7
पश्चात्पशुम् इति पाशेषु प्रमुच्यमानेषु जपति
paścātpaśum iti pāśeṣu pramucyamāneṣu japati
- 8
एकशृङ्गया पाशांश्चात्वाले ऽनुप्रहरति
ekaśṛṅgayā pāśāṃścātvāle 'nupraharati
- 9
यो नो द्वेष्ट्य् अधरः स पद्यताम् इति यद्य् अभिचरेत्
yo no dveṣṭy adharaḥ sa padyatām iti yady abhicaret
- 10
स्तम्बं स्थाणुं वापिदध्यात्
शतेन पाशैर्वरुणाभिधेहि मा ते मोच्य् अनृतवाङ्नृचक्षः
आस्तां जाल्म उदरं स्रंसयित्वा कोश इवाबन्ध्रः परिकृत्यमानः
इति
stambaṃ sthāṇuṃ vāpidadhyāt
śatena pāśairvaruṇābhidhehi mā te mocy anṛtavāṅnṛcakṣaḥ
āstāṃ jālma udaraṃ sraṃsayitvā kośa ivābandhraḥ parikṛtyamānaḥ
iti
- 11
नमस्त आतानेति पत्न्य् आदित्यम् उपतिष्ठते
namasta ātāneti patny ādityam upatiṣṭhate
- 12
अनर्वा प्रेहीत्य् एनाम् अभ्युदानयते
anarvā prehīty enām abhyudānayate
- 13
देवीर् आप इत्य् अध्य् अधि चात्वालं पत्न्य् अपो ऽवमर्शयति
devīr āpa ity adhy adhi cātvālaṃ patny apo 'vamarśayati
- 14
ताभ्यः पत्नी पशोः प्राणान्प्रक्षालयत्य् अध्वर्युर्वा
tābhyaḥ patnī paśoḥ prāṇānprakṣālayaty adhvaryurvā
- 15
अन्यतरो ऽभिषिञ्चेत्
anyataro 'bhiṣiñcet
- 16
वाचमस्य मा हिंसीर् इति यथारूपं गात्राणि संमृशति
यत्ते क्रूरं यद् आस्थितम् इति पूर्वश्चानुषजेत्
vācamasya mā hiṃsīr iti yathārūpaṃ gātrāṇi saṃmṛśati
yatte krūraṃ yad āsthitam iti pūrvaścānuṣajet
- 17
गात्राण्य् अस्य मा हिंसीर् इति ग्रीवाः पृष्ठदेशं शम् अद्भ्य इति शेषेण सर्वतः
gātrāṇy asya mā hiṃsīr iti grīvāḥ pṛṣṭhadeśaṃ śam adbhya iti śeṣeṇa sarvataḥ
- 18
उत्तानं पर्यावृत्योपाकरणं दर्भम् अन्तर्दधाति
uttānaṃ paryāvṛtyopākaraṇaṃ darbham antardadhāti
- 19
ओषधे त्रायस्वैनम् इति दर्भम् अन्तर्दधाति
oṣadhe trāyasvainam iti darbham antardadhāti
- 20
स्वधिते मैनं हिंसीर् इत्य् अनक्ततः स्वधितिना तिर्यग् आछ्यति
svadhite mainaṃ hiṃsīr ity anaktataḥ svadhitinā tiryag āchyati
- 21
उपयच्छति तृणाग्रम्
upayacchati tṛṇāgram
- 22
लोहिताक्तं प्रत्यग्दक्षिणा निरस्यति पृथिव्यै त्वा रक्षसां भागो ऽसीति
lohitāktaṃ pratyagdakṣiṇā nirasyati pṛthivyai tvā rakṣasāṃ bhāgo 'sīti
- 23
इदम् अहं रक्षो ऽवबाध इदम् अहं रक्षो ऽधमं तमो नयामीति पार्ष्ण्या तृणम् अवबाधते
idam ahaṃ rakṣo 'vabādha idam ahaṃ rakṣo 'dhamaṃ tamo nayāmīti pārṣṇyā tṛṇam avabādhate
- 24
अपः स्पृष्ट्वेषे त्वेति वपाम् उत्खिदति
apaḥ spṛṣṭveṣe tveti vapām utkhidati
- 25
ऊर्जे त्वेति तनिष्ठ एकशृङ्गयोपतृणत्ति
ūrje tveti taniṣṭha ekaśṛṅgayopatṛṇatti
- 26
देवेभ्यः शुन्धस्वेति वपां प्रक्षालयति
devebhyaḥ śundhasveti vapāṃ prakṣālayati
- 27
देवेभ्यः शुम्भस्वेति लोहितं प्रत्यूहति
devebhyaḥ śumbhasveti lohitaṃ pratyūhati
- 28
घृतेन द्यावापृथिवी इति द्विशृङ्गां प्रच्छाद्योत्कृत्य नमः सूर्यस्य संदृश इत्य् आदित्यम् उपस्थायोर्व् अन्तरिक्षं वीहीति व्रजति
ghṛtena dyāvāpṛthivī iti dviśṛṅgāṃ pracchādyotkṛtya namaḥ sūryasya saṃdṛśa ity ādityam upasthāyorv antarikṣaṃ vīhīti vrajati
- 29
प्रत्युष्टं रक्ष इति शामित्रे वपां प्रत्योषति
pratyuṣṭaṃ rakṣa iti śāmitre vapāṃ pratyoṣati

