27 shlokas
- 1
यत्ते शोचिः परावधीत्तक्षा हस्तेन वास्या
आपस्तत्पावकाः शुन्धन्तु शुचयः शुचिम्
इति स्नातं यूपं तीर्थेनोपसाद्य तूष्णीकां यवमतीः प्रोक्षणीः संस्कृत्य यूपं प्रोक्षति पृथिव्यै त्वेति मूलम् अन्तरिक्षाय त्वेति मध्यं दिवे त्वेत्य् अग्रम्
शुन्धन्तां लोका इति यूपावटम्
yatte śociḥ parāvadhīttakṣā hastena vāsyā
āpastatpāvakāḥ śundhantu śucayaḥ śucim
iti snātaṃ yūpaṃ tīrthenopasādya tūṣṇīkāṃ yavamatīḥ prokṣaṇīḥ saṃskṛtya yūpaṃ prokṣati pṛthivyai tveti mūlam antarikṣāya tveti madhyaṃ dive tvety agram
śundhantāṃ lokā iti yūpāvaṭam
- 2
यवो ऽसीति यवान् अवदधाति
yavo 'sīti yavān avadadhāti
- 3
पितृषदनं त्वेति दर्भैर् अवस्तृणाति
pitṛṣadanaṃ tveti darbhair avastṛṇāti
- 4
स्वावेशो ऽसीति प्रथमशल्कम् अवधाय घृतेन द्यावापृथिवी इति स्रुवेणाभिजुहोति
svāveśo 'sīti prathamaśalkam avadhāya ghṛtena dyāvāpṛthivī iti sruveṇābhijuhoti
- 5
पुरस्तात्प्रत्यञ्चं यजमानो यूपम् अनक्ति
purastātpratyañcaṃ yajamāno yūpam anakti
- 6
यूपायाज्यमानायानुब्रूहीति संप्रेष्यति
yūpāyājyamānāyānubrūhīti saṃpreṣyati
- 7
आन्तम् अविच्छिन्नम् अनक्ति
āntam avicchinnam anakti
- 8
देवस्त्वा सविता मध्वानक्त्व् इति यूपाग्रम् अनक्ति
सर्वं सहचषालम् अनक्ति इन्द्रस्य चषालम् असीति
devastvā savitā madhvānaktv iti yūpāgram anakti
sarvaṃ sahacaṣālam anakti indrasya caṣālam asīti
- 9
चषालं प्रतिमुच्य सुपिप्पला ओषधीर् इत्य् अङ्गुलिमात्रम् ऊर्ध्वं चषालाद्यूपाग्रं कनीयो वा
caṣālaṃ pratimucya supippalā oṣadhīr ity aṅgulimātram ūrdhvaṃ caṣālādyūpāgraṃ kanīyo vā
- 10
यूपायोच्छ्रीयमाणायानुब्रूहीति संप्रेष्यति
yūpāyocchrīyamāṇāyānubrūhīti saṃpreṣyati
- 11
दिवम् अग्रेणोत्तभानेत्य् उच्छ्रयति
divam agreṇottabhānety ucchrayati
- 12
ता ते धामानीत्य् अवदधाति
tā te dhāmānīty avadadhāti
- 13
विष्णोः कर्माणीत्य् अवस्थापयत्य् अग्निम् अभिमुखीम् अग्निष्ठाम्
viṣṇoḥ karmāṇīty avasthāpayaty agnim abhimukhīm agniṣṭhām
- 14
न तष्टस्य निखनति
na taṣṭasya nikhanati
- 15
नातष्टस्याविष्करोति
nātaṣṭasyāviṣkaroti
- 16
ब्रह्मवनिं त्वेति पांसुभिः परिवपति
brahmavaniṃ tveti pāṃsubhiḥ parivapati
- 17
ब्रह्म दृंह क्षत्रं दृंहेति यजमानो मैत्रावरुणदण्डेन परिदृंहयति
brahma dṛṃha kṣatraṃ dṛṃheti yajamāno maitrāvaruṇadaṇḍena paridṛṃhayati
- 18
प्रोक्षणीशेषेण परिषिच्य तद्विष्णोर् इति स्वरुरशनेन समुन्मार्ष्टि
prokṣaṇīśeṣeṇa pariṣicya tadviṣṇor iti svaruraśanena samunmārṣṭi
- 19
दिवीव चक्षुर् आततम् इति संमितम् अभिमन्त्रयते
divīva cakṣur ātatam iti saṃmitam abhimantrayate
- 20
त्रिवृता यूपं परिव्ययत्य् अग्रतो रशनायास्त्रिः परिहरणाय यूपायावशिष्य शेषं द्वैधं संभुज्योत्तरतः सूर्यस्थाया नाभिमात्रे संभोगं प्रतिष्ठाप्य यूपाय परिवीयमाणायानुब्रूहीति संप्रेष्यति
trivṛtā yūpaṃ parivyayaty agrato raśanāyāstriḥ pariharaṇāya yūpāyāvaśiṣya śeṣaṃ dvaidhaṃ saṃbhujyottarataḥ sūryasthāyā nābhimātre saṃbhogaṃ pratiṣṭhāpya yūpāya parivīyamāṇāyānubrūhīti saṃpreṣyati
- 21
परिवीर् असीति त्रिः परिव्ययत्य् उत्तरम् उत्तरं प्रदक्षिणं संभोगे रशनाग्रम् अतिहृत्य मूलतो निरायम्यान्तात्प्रवेष्टयति
parivīr asīti triḥ parivyayaty uttaram uttaraṃ pradakṣiṇaṃ saṃbhoge raśanāgram atihṛtya mūlato nirāyamyāntātpraveṣṭayati
- 22
श्रणीयसीं स्थवीयस्य् उपकर्षति
śraṇīyasīṃ sthavīyasy upakarṣati
- 23
यदि कामयेत वर्षेत्य्पर्जन्य इति
yadi kāmayeta varṣetyparjanya iti
- 24
अञ्जनादि यजमानो यूपं नापरिवीतम् अवसृजति
añjanādi yajamāno yūpaṃ nāparivītam avasṛjati
- 25
दिवः सानूपेषेत्य् उत्तमे रशनागुणे स्वरुम् उपकृष्याजम् उपाकरोति श्वेतं लोहितं द्विरूपं वा श्मश्रुलम्
divaḥ sānūpeṣety uttame raśanāguṇe svarum upakṛṣyājam upākaroti śvetaṃ lohitaṃ dvirūpaṃ vā śmaśrulam
- 26
कूटाकर्णकाणखण्डबण्डापन्नदन्त इति प्रतिषिद्धाः
kūṭākarṇakāṇakhaṇḍabaṇḍāpannadanta iti pratiṣiddhāḥ
- 27
उत्तरतो यूपस्य प्रत्यञ्चं पशुम् अवस्थाप्याहुती जुहोति
uttarato yūpasya pratyañcaṃ paśum avasthāpyāhutī juhoti

