9 shlokas
- 1
अथाग्न्यायतनम्
athāgnyāyatanam
- 2
प्राक्प्रवणे वोत्तरप्रवणे वा शुद्धे देशे गोमयेनोपलिप्ते शुद्धाभिः सिकताभिः प्राक्पश्चिमं दक्षिणोत्तरं च द्वात्रिंशदङ्गुल्यायतं द्व्यङ्गुलोन्नतं यथालाभोन्नतं वा स्थण्डिलमग्न्यायतनं भवति
prākpravaṇe vottarapravaṇe vā śuddhe deśe gomayenopalipte śuddhābhiḥ sikatābhiḥ prākpaścimaṃ dakṣiṇottaraṃ ca dvātriṃśadaṅgulyāyataṃ dvyaṅgulonnataṃ yathālābhonnataṃ vā sthaṇḍilamagnyāyatanaṃ bhavati
- 3
परिस्तरणबर्हिषः प्रतिदिक्पञ्चदश स्थण्डिलप्रमाणाः कुण्डे षट्त्रिंशदङ्गुलास्तथैकाङ्गुलिपरिणाहा व्रणवक्रहीनाः परिधयः
paristaraṇabarhiṣaḥ pratidikpañcadaśa sthaṇḍilapramāṇāḥ kuṇḍe ṣaṭtriṃśadaṅgulāstathaikāṅgulipariṇāhā vraṇavakrahīnāḥ paridhayaḥ
- 4
पञ्चदशदर्भैर्ग्रथितं चतुरङ्गुलाग्रं द्व्यङ्गुलग्रन्थि हस्तमात्रं प्रोक्षणकूर्चम्
pañcadaśadarbhairgrathitaṃ caturaṅgulāgraṃ dvyaṅgulagranthi hastamātraṃ prokṣaṇakūrcam
- 5
तथैव द्वादशाङ्गुलमात्रं पवित्रम्
tathaiva dvādaśāṅgulamātraṃ pavitram
- 6
तत्प्रमाणा याज्ञिकाः समिधः पात्रस्रुवादयो यज्ञे प्रोक्ताः
tatpramāṇā yājñikāḥ samidhaḥ pātrasruvādayo yajñe proktāḥ
- 7
दर्भेषु द्वंद्वं पात्रादिसम्भारानुत्तरे दैविके प्रत्येकं दक्षिणतः पैतृके संभरति
darbheṣu dvaṃdvaṃ pātrādisambhārānuttare daivike pratyekaṃ dakṣiṇataḥ paitṛke saṃbharati
- 8
नित्यहोमे ऽग्निशालायां मृदा चतुर्दिशं द्वात्रिंशदङ्गुल्यायतां चतुरङ्गुलविस्तारां द्व्यङ्गुलोन्नताम् ऊर्ध्ववेदिं चतुरङ्गुलिविस्तारोन्नतां तत्परिगताम् अधोवेदिं च मध्ये निम्नं षडङ्गुलम् अग्निकुण्डं कृत्वास्मिन्गृहस्थो ऽग्निमौपासनमाधाय नित्यं जुहोति
nityahome 'gniśālāyāṃ mṛdā caturdiśaṃ dvātriṃśadaṅgulyāyatāṃ caturaṅgulavistārāṃ dvyaṅgulonnatām ūrdhvavediṃ caturaṅgulivistāronnatāṃ tatparigatām adhovediṃ ca madhye nimnaṃ ṣaḍaṅgulam agnikuṇḍaṃ kṛtvāsmingṛhastho 'gnimaupāsanamādhāya nityaṃ juhoti
- 9
वनस्थस्य श्रामणकाग्नेः कुण्डम् आधानविशेषं च धर्मे वक्ष्यामः
vanasthasya śrāmaṇakāgneḥ kuṇḍam ādhānaviśeṣaṃ ca dharme vakṣyāmaḥ

