8 shlokas
- 1
पुनर्देवेभ्यो हव्यं वहेत्य् अग्नेर्दर्शनेन स्रुवं विसृज्य
punardevebhyo havyaṃ vahety agnerdarśanena sruvaṃ visṛjya
- 2
वर्षिष्ठा गह्वरेष्ठो ऽग्निमिति वर्षिष्ठसमिधौ जुहुयाद् ऊर्ध्वं यज्ञं नयतमित्यूर्ध्वसमिधौ
varṣiṣṭhā gahvareṣṭho 'gnimiti varṣiṣṭhasamidhau juhuyād ūrdhvaṃ yajñaṃ nayatamityūrdhvasamidhau
- 3
पश्चिमतः परिधिमपनयेत्येवं दक्षिणत उत्तरतश्च परिधीन्
paścimataḥ paridhimapanayetyevaṃ dakṣiṇata uttarataśca paridhīn
- 4
पश्चिमतो विष्णोः सदनमसीत्येवं दक्षिणत उत्तरतः प्राच्यामिति च परिस्तरणबर्हिषः सर्वान्परिसमूह्याप्यायन्तामिति जुहोति
paścimato viṣṇoḥ sadanamasītyevaṃ dakṣiṇata uttarataḥ prācyāmiti ca paristaraṇabarhiṣaḥ sarvānparisamūhyāpyāyantāmiti juhoti
- 5
शुध्यन्तां पितृषदनं शुध्यन्तां देवसदनमित्यविच्छिन्नमास्तीर्य नैरृते दहेत्
śudhyantāṃ pitṛṣadanaṃ śudhyantāṃ devasadanamityavicchinnamāstīrya nairṛte dahet
- 6
अविच्छिन्नेन ब्रह्मवर्चसायेति
avicchinnena brahmavarcasāyeti
- 7
भूतिः स्मेति भस्म गृहीत्वा ललाटहृद्बाहुकण्ठादीनादित्यः सोमो नम इत्य् ऊर्ध्वाग्रम् आलिप्यापो हि ष्ठेति प्रोक्ष्य ॐ च मे स्वर इति बालकृतं वेति चाग्निं पूर्ववदादित्यं चोपस्थाय पुनर्वेदिमूलमासाद्याग्निं वैश्वानरसूक्तेनोपस्थाय प्रणामं कुर्यादिति क्रियान्ते होमः
bhūtiḥ smeti bhasma gṛhītvā lalāṭahṛdbāhukaṇṭhādīnādityaḥ somo nama ity ūrdhvāgram ālipyāpo hi ṣṭheti prokṣya oṃ ca me svara iti bālakṛtaṃ veti cāgniṃ pūrvavadādityaṃ copasthāya punarvedimūlamāsādyāgniṃ vaiśvānarasūktenopasthāya praṇāmaṃ kuryāditi kriyānte homaḥ
- 8
ॐ च मे स्वर इति लौकिकाग्निविसर्जनमिति विज्ञायते
oṃ ca me svara iti laukikāgnivisarjanamiti vijñāyate

