16 shlokas
- 1
अथान्ते होममन्त्राः
athānte homamantrāḥ
- 2
यद् अस्याग्नये स्विष्टकृते ऽग्नये ऽन्नादायाग्नये ऽन्नपतये प्रजापतय इन्द्राय विश्वेभ्यो देवेभ्यः सर्वाभ्यो देवताभ्यः सर्वत्रैवाग्नये
yad asyāgnaye sviṣṭakṛte 'gnaye 'nnādāyāgnaye 'nnapataye prajāpataya indrāya viśvebhyo devebhyaḥ sarvābhyo devatābhyaḥ sarvatraivāgnaye
- 3
स्विष्टकृते वास्तुपत इति स्विष्टाकारः
sviṣṭakṛte vāstupata iti sviṣṭākāraḥ
- 4
यन्म आत्मनः पुनर् अग्निश्चक्षुरिति मिन्दाहुती
yanma ātmanaḥ punar agniścakṣuriti mindāhutī
- 5
इष्टेभ्य इत्यादि दशान्ते व्याहृतिरित्यृद्धिः
iṣṭebhya ityādi daśānte vyāhṛtirityṛddhiḥ
- 6
आश्रावितं ब्रह्म यद् अकर्मेति कृतान्तम्
āśrāvitaṃ brahma yad akarmeti kṛtāntam
- 7
यत्प्रमत्तो मनो ज्योतिर् अयाश्चाग्ने यदस्मिन्स्वस्ति नो यत इन्द्र इति विच्छिन्नम् एधो ऽस्येधिषीमहि स्वाहा बैल्वम्
yatpramatto mano jyotir ayāścāgne yadasminsvasti no yata indra iti vicchinnam edho 'syedhiṣīmahi svāhā bailvam
- 8
समिदसि तेजो ऽसि तेजो मयि धेहि स्वाहा पालाशम्
samidasi tejo 'si tejo mayi dhehi svāhā pālāśam
- 9
यमस्य धीमहि मृत्योर्मे पाहि स्वाहा नैयग्रोधम्
yamasya dhīmahi mṛtyorme pāhi svāhā naiyagrodham
- 10
सूर्यस्य धीमहि चक्षुर्मे पाहि स्वाहा आश्वत्थम्
sūryasya dhīmahi cakṣurme pāhi svāhā āśvattham
- 11
सोमस्य धीमहि चित्तं मे पाहि स्वाहा औदुम्बरम्
somasya dhīmahi cittaṃ me pāhi svāhā audumbaram
- 12
वायोर्धीमहि प्राणान्मे पाहि स्वाहा शमीम्
vāyordhīmahi prāṇānme pāhi svāhā śamīm
- 13
ब्रह्मणो धीमहि बुद्धिं मे पाहि स्वाहा खादिरमिति सप्त समिधः
brahmaṇo dhīmahi buddhiṃ me pāhi svāhā khādiramiti sapta samidhaḥ
- 14
सप्त ते अग्ने ऋतुधा नेति पूर्णाहुती
sapta te agne ṛtudhā neti pūrṇāhutī
- 15
अग्निर्भुक्तम् इत्य् उप जुह्वाम् आज्यं गृहीत्वाग्निर्जीर्णमिति जुह्वा चरुमवदाय हुत्वा समङ्तां बर्हिरिति स्रावयञ्जुहोति
agnirbhuktam ity upa juhvām ājyaṃ gṛhītvāgnirjīrṇamiti juhvā carumavadāya hutvā samaṅtāṃ barhiriti srāvayañjuhoti
- 16
ततो वामेन स्रुवं गृहीत्वा दक्षिणेनाज्यपात्रं संगृह्याग्नेरुपरि धारयन्नाज्यशेषमिन्द्राय स्वाहेति जुहुयात्
tato vāmena sruvaṃ gṛhītvā dakṣiṇenājyapātraṃ saṃgṛhyāgnerupari dhārayannājyaśeṣamindrāya svāheti juhuyāt

