10 shlokas
- 1
देवा ऋषयः पितरो ग्रहा देव्य ऋषिपत्न्यः पितृपत्न्यो वेदा यज्ञाश्च सर्वाद्याः प्रियन्तामन्तः प्रतिवचनम्
devā ṛṣayaḥ pitaro grahā devya ṛṣipatnyaḥ pitṛpatnyo vedā yajñāśca sarvādyāḥ priyantāmantaḥ prativacanam
- 2
पुण्याहं शिवम् आयुष्यम् अरोग्यम् अविघ्नम् अचलम् ऐश्वर्यं यत्पापं तत्प्रतिहतं यच्छ्रेयः शिवं कर्म शिवः पक्ष इत्यस्त्वन्तास्तथान्तः प्रतिवचनम्
puṇyāhaṃ śivam āyuṣyam arogyam avighnam acalam aiśvaryaṃ yatpāpaṃ tatpratihataṃ yacchreyaḥ śivaṃ karma śivaḥ pakṣa ityastvantāstathāntaḥ prativacanam
- 3
शिवा ऋतवः सन्तु शिवानि नक्षत्राणि भवन्तु सर्वकर्मसमृद्धिरस्तु सर्वधनधान्यसम्पूर्णम् अस्त्व् इत्य् एकैकम् उक्तवन्तः प्रतिवचनम्
śivā ṛtavaḥ santu śivāni nakṣatrāṇi bhavantu sarvakarmasamṛddhirastu sarvadhanadhānyasampūrṇam astv ity ekaikam uktavantaḥ prativacanam
- 4
यत्पुण्यं स्वस्ति न ऋध्यास्मेति पूर्वोक्तामितरे ऽनुवदन्ति
yatpuṇyaṃ svasti na ṛdhyāsmeti pūrvoktāmitare 'nuvadanti
- 5
यजमानस्य नक्षत्रनामादि गोत्रनाम सुतान्तं मातृगोत्रनामान्तात्परं शर्मान्तं नाम प्रणवादि भवन्तो ब्रुवन्तु पुण्याहं स्वस्त्यृद्ध्यन्तं प्रत्येकं त्रिधा त्रिधा यथाविभक्तिवाचितमनुवाचयेयुः
yajamānasya nakṣatranāmādi gotranāma sutāntaṃ mātṛgotranāmāntātparaṃ śarmāntaṃ nāma praṇavādi bhavanto bruvantu puṇyāhaṃ svastyṛddhyantaṃ pratyekaṃ tridhā tridhā yathāvibhaktivācitamanuvācayeyuḥ
- 6
आपोहिरण्यपवमानैः प्रोक्षयति
āpohiraṇyapavamānaiḥ prokṣayati
- 7
पुण्याहे कृते तदहः पुण्यं भवत्यादावन्ते वा पुण्याहेन सर्वाः क्रियाः पुण्याः परिपूर्णा भवन्ति
puṇyāhe kṛte tadahaḥ puṇyaṃ bhavatyādāvante vā puṇyāhena sarvāḥ kriyāḥ puṇyāḥ paripūrṇā bhavanti
- 8
स्वांकृतो ऽसीति दक्षिणाकालमुक्तवत्सु घृतात्परीत्य् अद्भिर्यथाशक्ति दक्षिणां हस्तेन दक्षिणेन ददाति
svāṃkṛto 'sīti dakṣiṇākālamuktavatsu ghṛtātparīty adbhiryathāśakti dakṣiṇāṃ hastena dakṣiṇena dadāti
- 9
त्वमग्ने यज्ञानाम्होतेति तद् आददीरन्
tvamagne yajñānāmhoteti tad ādadīran
- 10
यत्र दक्षिणादानादाने तत्रैवं स्यादिति विज्ञायते
yatra dakṣiṇādānādāne tatraivaṃ syāditi vijñāyate

