11 shlokas
- 1
रात्रौ नाश्नीयात्
rātrau nāśnīyāt
- 2
अधस्ताद्दर्भांस्तृणानि पर्णानि वास्तीर्य सुव्रतः सुव्रतां पत्नीं विनैकः शयीत
adhastāddarbhāṃstṛṇāni parṇāni vāstīrya suvrataḥ suvratāṃ patnīṃ vinaikaḥ śayīta
- 3
सास्य शुश्रूषां करोति
sāsya śuśrūṣāṃ karoti
- 4
एनां नोपगच्छेत्
enāṃ nopagacchet
- 5
मातृवन्निष्कामः प्रेक्षेतोर्ध्वरेता जितेन्द्रियः
mātṛvanniṣkāmaḥ prekṣetordhvaretā jitendriyaḥ
- 6
दर्शपूर्णमासौ चातुर्मास्यं नक्षत्रेष्टिम् आग्रयणेष्टिं च वन्यौषधीभिः पूर्ववद्यजेद् अनुक्रमात्
darśapūrṇamāsau cāturmāsyaṃ nakṣatreṣṭim āgrayaṇeṣṭiṃ ca vanyauṣadhībhiḥ pūrvavadyajed anukramāt
- 7
मूलैः फलैः पत्त्रैः पुष्पैर्वा तत्तत्कालेन पक्वैः स्वयम् एव संशीर्णैः प्राणं प्रवर्तयन्न् उत्तरोत्तरे ऽप्य् अधिकं तपःसंयोगं फलादिविशिष्टम् आचरेत्
mūlaiḥ phalaiḥ pattraiḥ puṣpairvā tattatkālena pakvaiḥ svayam eva saṃśīrṇaiḥ prāṇaṃ pravartayann uttarottare 'py adhikaṃ tapaḥsaṃyogaṃ phalādiviśiṣṭam ācaret
- 8
अथ वाहिताग्निः सर्वान् अग्नीन् अरण्याम् आरोप्य सर्वैः संवापमन्त्रैः पार्थिवान्वानस्पत्यांश्च सर्वान्समूह्य निर्मन्थ्यैतेन विधिनाग्निम् अग्न्याधेयविधानेन च मन्त्रैः सर्वैः सभ्याग्न्यायतने श्रामणकाग्निम् आधायाहरेत्
atha vāhitāgniḥ sarvān agnīn araṇyām āropya sarvaiḥ saṃvāpamantraiḥ pārthivānvānaspatyāṃśca sarvānsamūhya nirmanthyaitena vidhināgnim agnyādheyavidhānena ca mantraiḥ sarvaiḥ sabhyāgnyāyatane śrāmaṇakāgnim ādhāyāharet
- 9
सभ्यस्य भेदः श्रामणकाग्निर् इत्य् आहुः
sabhyasya bhedaḥ śrāmaṇakāgnir ity āhuḥ
- 10
अपत्नीकश्च भिक्षुवद् अग्नौ होमं हुत्वारण्यादिपात्राणि च प्रक्षिप्य पुत्रे भार्यां निधाय तथाग्नीन् आत्मन्य् आरोप्य वल्कलोपवीतादीन्भिक्षापात्रं च संगृह्यानग्निर् अदारो गत्वा वने निवसेत्
apatnīkaśca bhikṣuvad agnau homaṃ hutvāraṇyādipātrāṇi ca prakṣipya putre bhāryāṃ nidhāya tathāgnīn ātmany āropya valkalopavītādīnbhikṣāpātraṃ ca saṃgṛhyānagnir adāro gatvā vane nivaset
- 11
तपसां श्रमणम् एतन्मूलं तस्माद् एतद्विधानम् एनम् अग्निं च श्रामणकम् इत्य् आह विखनाः
tapasāṃ śramaṇam etanmūlaṃ tasmād etadvidhānam enam agniṃ ca śrāmaṇakam ity āha vikhanāḥ

