6 shlokas
- 1
अग्न्यायतने प्रोक्ष्य खनित्वा लेखाः षड् उल्लिख्य सुवर्णशकलं व्रीहींश्च निधाय श्रामणकाग्निं निदध्यात्
agnyāyatane prokṣya khanitvā lekhāḥ ṣaḍ ullikhya suvarṇaśakalaṃ vrīhīṃśca nidhāya śrāmaṇakāgniṃ nidadhyāt
- 2
वन्यान् एव पार्थिवान्वानस्पत्यान्कुलीरोद्धताञ्छणान्पुराणान्कुशदर्भान् ऊर्णास्तुकां प्लक्षाग्रं सुगन्धितेजनं गुग्गुलुं हिरण्यशकलान्सूर्यकान्तं च संभरति
vanyān eva pārthivānvānaspatyānkulīroddhatāñchaṇānpurāṇānkuśadarbhān ūrṇāstukāṃ plakṣāgraṃ sugandhitejanaṃ gugguluṃ hiraṇyaśakalānsūryakāntaṃ ca saṃbharati
- 3
वानप्रस्थान् ऋत्विजो वृत्वाग्निं मथित्वा गार्हपत्यादींस्त्रेताग्नीन्पञ्चाग्नीन्वाग्न्याधेयक्रमेणाधायाहुती द्वे द्वे हुत्वा नित्यं द्विकालं वन्यैर् एव जुहोति
vānaprasthān ṛtvijo vṛtvāgniṃ mathitvā gārhapatyādīṃstretāgnīnpañcāgnīnvāgnyādheyakrameṇādhāyāhutī dve dve hutvā nityaṃ dvikālaṃ vanyair eva juhoti
- 4
वनाश्रमी मुनिः स्नानशौचस्वाध्यायतपोदानेज्यापवासोपस्थनिग्रहव्रतमौनानीति नियमान्दशैतान्सत्यानृशंस्यार्जवक्षमादमप्रीतिप्रसादमार्दवाहिंसामाधुर्याणीति यमान्दशामूंश्च समाचरति
vanāśramī muniḥ snānaśaucasvādhyāyatapodānejyāpavāsopasthanigrahavratamaunānīti niyamāndaśaitānsatyānṛśaṃsyārjavakṣamādamaprītiprasādamārdavāhiṃsāmādhuryāṇīti yamāndaśāmūṃśca samācarati
- 5
भक्त्या विष्णुं ध्यायन्न् अग्निहोत्रश्रामणकाग्निहोमौ द्विकालं नोत्सृजन्ग्राम्याशनं त्यक्त्वा वन्यौषधीः फलं मूलं शाकं वा नित्याशनं संकल्प्य तिरोधा भूर् इत्याहृत्यापराह्णे स्वयं पत्नी वा हविष्यम् आस्रावितं पचति
bhaktyā viṣṇuṃ dhyāyann agnihotraśrāmaṇakāgnihomau dvikālaṃ notsṛjangrāmyāśanaṃ tyaktvā vanyauṣadhīḥ phalaṃ mūlaṃ śākaṃ vā nityāśanaṃ saṃkalpya tirodhā bhūr ityāhṛtyāparāhṇe svayaṃ patnī vā haviṣyam āsrāvitaṃ pacati
- 6
वैश्वदेवान्ते ऽतिथीन् अभ्यागतान्प्राशयित्वा मितं प्राश्नाति
vaiśvadevānte 'tithīn abhyāgatānprāśayitvā mitaṃ prāśnāti

