9 shlokas
- 1
अन्ये बान्धवा विप्रोष्य प्रत्यागत्याभिवन्द्याः
anye bāndhavā viproṣya pratyāgatyābhivandyāḥ
- 2
ज्येष्ठो भ्राता पितृव्यो मातुलः श्वशुरश्च पितृवत्पितृष्वसा मातृष्वसा ज्येष्ठभार्या भगिनी ज्येष्ठा च मातृवत्पूजितव्याः
jyeṣṭho bhrātā pitṛvyo mātulaḥ śvaśuraśca pitṛvatpitṛṣvasā mātṛṣvasā jyeṣṭhabhāryā bhaginī jyeṣṭhā ca mātṛvatpūjitavyāḥ
- 3
सर्वेषां माता श्रेयसी गुरुश्च श्रेयान्
sarveṣāṃ mātā śreyasī guruśca śreyān
- 4
परस्त्रियं युवतिम् अस्पृशन्भूमाव् अभिवादयेत्
parastriyaṃ yuvatim aspṛśanbhūmāv abhivādayet
- 5
वन्द्यानां वन्दनाद् आयुर्ज्ञानबलारोग्यशुभानि भवन्ति
vandyānāṃ vandanād āyurjñānabalārogyaśubhāni bhavanti
- 6
यज्ञोपवीतमेखलाजिनदण्डान्परेण धृतान्न धारयेत्
yajñopavītamekhalājinadaṇḍānpareṇa dhṛtānna dhārayet
- 7
उपाकृत्यानालस्यः शुचिः प्रणवाद्यं वेदम् अधीयानो ऽमावास्यायां पौर्णमास्यां चतुर्दश्योः प्रतिपदोर् अष्टम्योश्च नाधीयीत
upākṛtyānālasyaḥ śuciḥ praṇavādyaṃ vedam adhīyāno 'māvāsyāyāṃ paurṇamāsyāṃ caturdaśyoḥ pratipador aṣṭamyośca nādhīyīta
- 8
नित्यजपे होमे चानध्यायो नास्ति
nityajape home cānadhyāyo nāsti
- 9
मार्जारनकुलमण्डूकश्वसर्पगर्दभवराहपश्वादिष्व् अन्तर् आगतेष्व् अहोरात्रं सूतकप्रेतकयोर् आ शौचे तावत्कालं तिस्रो ऽष्टकासु गुरौ प्रेते च त्रिरात्रम् अनध्यायः स्यात्
mārjāranakulamaṇḍūkaśvasarpagardabhavarāhapaśvādiṣv antar āgateṣv ahorātraṃ sūtakapretakayor ā śauce tāvatkālaṃ tisro 'ṣṭakāsu gurau prete ca trirātram anadhyāyaḥ syāt

