7 shlokas
- 1
स्रुचि स्रुवेण चतुर्गृहीतं गृहीत्वा सर्वाग्निष्व् ॐ स्वाहेति जुहुयात्
sruci sruveṇa caturgṛhītaṃ gṛhītvā sarvāgniṣv oṃ svāheti juhuyāt
- 2
अग्निहोत्रहवणीम् आहवनीये मृच्छिलामयेभ्यो ऽन्यानि पात्राणि गार्हपत्ये प्रक्षिपति
agnihotrahavaṇīm āhavanīye mṛcchilāmayebhyo 'nyāni pātrāṇi gārhapatye prakṣipati
- 3
गृहस्थो ऽनाहिताग्निर् औपासने वनस्थश्च श्रामणकाग्नौ होमं हुत्वा पात्राणि प्रक्षिपेत्
gṛhastho 'nāhitāgnir aupāsane vanasthaśca śrāmaṇakāgnau homaṃ hutvā pātrāṇi prakṣipet
- 4
पच्छो ऽर्धर्चशो व्यस्तां समस्तां च सावित्रीं जप्त्वा भिक्षाश्रमं प्रविशामीति तं प्रविशति
paccho 'rdharcaśo vyastāṃ samastāṃ ca sāvitrīṃ japtvā bhikṣāśramaṃ praviśāmīti taṃ praviśati
- 5
अन्तर्वेद्यां स्थित्वा गार्हपत्यादीन्या ते ऽग्ने यज्ञियेति प्रत्येकं त्रिर् आघ्राय भवतं नः समनसाव् इत्य् आत्मन्य् आरोपयेत्
antarvedyāṃ sthitvā gārhapatyādīnyā te 'gne yajñiyeti pratyekaṃ trir āghrāya bhavataṃ naḥ samanasāv ity ātmany āropayet
- 6
भूर्भुवः स्वः संन्यस्तं मयेति त्रिर् उपांशूच्चैश्च प्रैषम् उक्त्वा दक्षिणहस्तेन सकृज्जलं पीत्वाचम्य तथैवोक्त्वा त्रिर्जलाञ्जलिं विसृजेत्
bhūrbhuvaḥ svaḥ saṃnyastaṃ mayeti trir upāṃśūccaiśca praiṣam uktvā dakṣiṇahastena sakṛjjalaṃ pītvācamya tathaivoktvā trirjalāñjaliṃ visṛjet
- 7
मेखलां चत्वार्य् उपवीतान्य् एकं वोपवीतं कृष्णाजिनम् उत्तरीयं च पूर्ववद्ददाति
mekhalāṃ catvāry upavītāny ekaṃ vopavītaṃ kṛṣṇājinam uttarīyaṃ ca pūrvavaddadāti

