9 shlokas
- 1
अथ वनस्थस्य श्रामणकविधानम्
atha vanasthasya śrāmaṇakavidhānam
- 2
गृहस्थः सोमयाजी पुत्रं पौत्रं च दृष्ट्वा तत्पुत्रादीन्गृहे संस्थाप्य मौण्ड्यं कृत्वा प्राजापत्यं कृच्छ्रं चरेत्
gṛhasthaḥ somayājī putraṃ pautraṃ ca dṛṣṭvā tatputrādīngṛhe saṃsthāpya mauṇḍyaṃ kṛtvā prājāpatyaṃ kṛcchraṃ caret
- 3
वसन्ते शुक्लपक्षे पुण्यक्षेत्रे पत्न्या सार्धं वनाश्रमं याति
vasante śuklapakṣe puṇyakṣetre patnyā sārdhaṃ vanāśramaṃ yāti
- 4
पूर्वस्मिन्दिवसे कृतस्नानः संकल्प्य कुशोदकं पीत्वोपवासं कुर्यात्
pūrvasmindivase kṛtasnānaḥ saṃkalpya kuśodakaṃ pītvopavāsaṃ kuryāt
- 5
औपासनहोमं हुत्वाग्निम् अयं ते योनिर् इत्य् अरण्याम् आरोपयेत्
aupāsanahomaṃ hutvāgnim ayaṃ te yonir ity araṇyām āropayet
- 6
दर्शपूर्णमासविधानेन दर्भादीन्संगृह्य पूर्ववत्परिस्तरणकूर्चान्परिधीन्समिधो वेणुदण्डोपवीतकमण्डलुवल्कलादीन्संभरति
darśapūrṇamāsavidhānena darbhādīnsaṃgṛhya pūrvavatparistaraṇakūrcānparidhīnsamidho veṇudaṇḍopavītakamaṇḍaluvalkalādīnsaṃbharati
- 7
पूर्वोक्तविधिनाग्निकुण्डं कुर्यात्
pūrvoktavidhināgnikuṇḍaṃ kuryāt
- 8
अपरस्मिन्दिवसे वैश्वानरसूक्तेनाग्निं मथित्वा प्रज्वाल्याग्न आयाह्य् उपावरोहेत्य् अग्निं निधाय पूर्ववच्छ्रामणकाग्न्याघारं जुहोति
aparasmindivase vaiśvānarasūktenāgniṃ mathitvā prajvālyāgna āyāhy upāvarohety agniṃ nidhāya pūrvavacchrāmaṇakāgnyāghāraṃ juhoti
- 9
प्रणम्याग्निं परिषिच्याग्ने प्रायश्चित्ते त्वम् इति पञ्चप्रायश्चित्तं हुत्वापो हिरण्यपवमानैर् आत्मानं प्रोक्ष्य ब्रह्मदैवत्यं वैष्णवं पञ्चवारुणं च प्रधानान्व्याहृत्यन्तं यजेत्
praṇamyāgniṃ pariṣicyāgne prāyaścitte tvam iti pañcaprāyaścittaṃ hutvāpo hiraṇyapavamānair ātmānaṃ prokṣya brahmadaivatyaṃ vaiṣṇavaṃ pañcavāruṇaṃ ca pradhānānvyāhṛtyantaṃ yajet

