15 shlokas
- 1
परस्योदके मृत्पिण्डान्पञ्चोद्धृत्य स्नायात्
parasyodake mṛtpiṇḍānpañcoddhṛtya snāyāt
- 2
कूपे तत्तीरे त्रिः कुम्भेनाभिषिञ्चेत्
kūpe tattīre triḥ kumbhenābhiṣiñcet
- 3
उच्छिष्टो नग्नो वा न स्नायात्
ucchiṣṭo nagno vā na snāyāt
- 4
तथा न शयीत
tathā na śayīta
- 5
आतुरो ऽप्सु नावगाहेत
āturo 'psu nāvagāheta
- 6
आतुरस्य स्नाने नैमित्तिके दशकृत्वो द्वादशकृत्वो वा तम् अनातुरो जले अवगाह्याचम्य स्पृशेत्
āturasya snāne naimittike daśakṛtvo dvādaśakṛtvo vā tam anāturo jale avagāhyācamya spṛśet
- 7
ततः स पूतो भवति
tataḥ sa pūto bhavati
- 8
द्विकालं होमान्ते पादौ प्रक्षाल्याचम्यासने प्राङ्मुखः प्रत्यङ्मुखः वा स्थित्वा चतुरश्रौपलिप्ते मण्डले शुद्धं पात्रं न्यसेत्
dvikālaṃ homānte pādau prakṣālyācamyāsane prāṅmukhaḥ pratyaṅmukhaḥ vā sthitvā caturaśraupalipte maṇḍale śuddhaṃ pātraṃ nyaset
- 9
तत्रान्नं प्रक्षिप्य तत्पूजयति
tatrānnaṃ prakṣipya tatpūjayati
- 10
द्वौ पादाव् एकं वा भूमौ निधाय प्रसन्नर्तं त्वा सत्येन परिषिञ्चामीति सायं परिषिञ्चति सत्यं त्वर्तेन परिषिञ्चामीति प्रातर् अमृतोपस्तरणम् असीत्य् आधावं पीत्वा विधिना प्राणाहुतीर्हुत्वान्नम् अनिन्दन्न् अश्नाति
dvau pādāv ekaṃ vā bhūmau nidhāya prasannartaṃ tvā satyena pariṣiñcāmīti sāyaṃ pariṣiñcati satyaṃ tvartena pariṣiñcāmīti prātar amṛtopastaraṇam asīty ādhāvaṃ pītvā vidhinā prāṇāhutīrhutvānnam anindann aśnāti
- 11
भुक्त्वामृतापिधानम् असीत्य् अपः पीत्वाचम्याचामेत्
bhuktvāmṛtāpidhānam asīty apaḥ pītvācamyācāmet
- 12
एकवासाः शयानस्तिष्ठन्न् अस्नानजपहोमी शुष्कपाद उदङ्मुखो वा नाश्नाति
ekavāsāḥ śayānastiṣṭhann asnānajapahomī śuṣkapāda udaṅmukho vā nāśnāti
- 13
भिन्नपात्रे ऽन्नं पर्युषितं शयनासनोत्सङ्गस्थं वा न भुञ्जीत
bhinnapātre 'nnaṃ paryuṣitaṃ śayanāsanotsaṅgasthaṃ vā na bhuñjīta
- 14
अञ्जलिनापो न पिबेत्
añjalināpo na pibet
- 15
उच्छिष्टाशुच्याशौचिपतितैः स्पृष्टं सूतकप्रेतके चान्नं नाश्नीयात्
ucchiṣṭāśucyāśaucipatitaiḥ spṛṣṭaṃ sūtakapretake cānnaṃ nāśnīyāt

