11 shlokas
- 1
तिलसक्तुदधिलाजं च रात्राव् अभक्ष्यम्
tilasaktudadhilājaṃ ca rātrāv abhakṣyam
- 2
अन्नं पर्युषितम् आज्येन दध्ना वा युक्तं भोज्यम्
annaṃ paryuṣitam ājyena dadhnā vā yuktaṃ bhojyam
- 3
क्रिमिकेशकीटयुतं गवाघ्रातं पक्षिजग्धं च भस्माद्भिः प्रोक्षितं शुद्धम्
krimikeśakīṭayutaṃ gavāghrātaṃ pakṣijagdhaṃ ca bhasmādbhiḥ prokṣitaṃ śuddham
- 4
श्वकाकाद्युपहते बह्वन्ने तस्मिन्पुरुषाशनमात्रं तत्रैवोद्धृत्य व्यपोह्य पवमानः सुवर्जन इति भस्मजलैः प्रोक्ष्य दर्भोल्कया स्पर्शयित्वा गृह्णीयात्
śvakākādyupahate bahvanne tasminpuruṣāśanamātraṃ tatraivoddhṛtya vyapohya pavamānaḥ suvarjana iti bhasmajalaiḥ prokṣya darbholkayā sparśayitvā gṛhṇīyāt
- 5
प्रसूते ऽन्तर्दशाहे गोक्षीरं सदैकशफोष्ट्रस्त्रीणां पयश्च पलाण्डुकवकलशुनगृञ्जनविड्जम् अनुक्तं मत्स्यमांसं च वर्जनीयम्
prasūte 'ntardaśāhe gokṣīraṃ sadaikaśaphoṣṭrastrīṇāṃ payaśca palāṇḍukavakalaśunagṛñjanaviḍjam anuktaṃ matsyamāṃsaṃ ca varjanīyam
- 6
यज्ञशिष्टं मांसं भक्षणीयम्
yajñaśiṣṭaṃ māṃsaṃ bhakṣaṇīyam
- 7
उदक्यास्पृष्टं शूद्रानुलोमैः स्पृष्टं तेषाम् अन्नं च वर्जयेत्
udakyāspṛṣṭaṃ śūdrānulomaiḥ spṛṣṭaṃ teṣām annaṃ ca varjayet
- 8
स्वधर्मानुवर्तिनां शूद्रानुलोमानाम् आमं क्षुधितस्य संग्राह्यम्
svadharmānuvartināṃ śūdrānulomānām āmaṃ kṣudhitasya saṃgrāhyam
- 9
सर्वेषां प्रतिलोमान्तरालव्रात्यानाम् आमं पक्वं च क्षुधितो ऽपि यत्नान्न गृह्णीयात्
sarveṣāṃ pratilomāntarālavrātyānām āmaṃ pakvaṃ ca kṣudhito 'pi yatnānna gṛhṇīyāt
- 10
तैः स्पृष्टिसम्मिश्रं परपक्वं च संत्यजति
taiḥ spṛṣṭisammiśraṃ parapakvaṃ ca saṃtyajati
- 11
नित्यं श्रुतिस्मृत्युदितं कर्म कुर्वन्मनोवाक्कायकर्मभिः शनैर्धर्मं समाचरति
nityaṃ śrutismṛtyuditaṃ karma kurvanmanovākkāyakarmabhiḥ śanairdharmaṃ samācarati

