9 shlokas
- 1
मध्याह्ने शुद्धे जले मृदद्भिः पादौ हस्तौ च धावयित्वाचम्याङ्गानि संशोध्यापः पुनन्त्व् इति जले निमज्जेत्
madhyāhne śuddhe jale mṛdadbhiḥ pādau hastau ca dhāvayitvācamyāṅgāni saṃśodhyāpaḥ punantv iti jale nimajjet
- 2
आचान्तो वैष्णवैर्मन्त्रैर्विष्णुं हिरण्यशृङ्गम् इति वरुणं च प्रणम्याघमर्षणसूक्तेनाघमर्षणं कृत्वेदम् आपः शिवा इति स्नायात्
ācānto vaiṣṇavairmantrairviṣṇuṃ hiraṇyaśṛṅgam iti varuṇaṃ ca praṇamyāghamarṣaṇasūktenāghamarṣaṇaṃ kṛtvedam āpaḥ śivā iti snāyāt
- 3
आश्रमिणश्चत्वारः स्नानं नित्यम् एवं पूर्वोक्तेन विधिना काम्यं नैमित्तिकं च कुर्वन्ति
āśramiṇaścatvāraḥ snānaṃ nityam evaṃ pūrvoktena vidhinā kāmyaṃ naimittikaṃ ca kurvanti
- 4
धौतवस्त्रेणाच्छाद्य पूर्ववद् आचम्य प्रोक्ष्यासीनस्तिष्ठन्वा कृतप्राणायामः सावित्रीं जप्त्वादित्यम् उपतिष्ठेत
dhautavastreṇācchādya pūrvavad ācamya prokṣyāsīnastiṣṭhanvā kṛtaprāṇāyāmaḥ sāvitrīṃ japtvādityam upatiṣṭheta
- 5
दक्षिणपाणिना तीर्थेन ब्राह्मेण भूपत्यादीन्दैवेन नारायणादीन्कूप्यादींश्चार्षेण विश्वामित्रादीन्पैतृकेण पितृआदीन् अद्भिस्तर्पयित्वा ब्रह्मयज्ञं करिष्यन्नित्यम् इषे त्वोर्जे त्वेति यथाकामं यजुःसंहिताम् आद्यांस्त्रीन् अनुवाकान्स्वाध्यायं कुर्वीत
dakṣiṇapāṇinā tīrthena brāhmeṇa bhūpatyādīndaivena nārāyaṇādīnkūpyādīṃścārṣeṇa viśvāmitrādīnpaitṛkeṇa pitṛādīn adbhistarpayitvā brahmayajñaṃ kariṣyannityam iṣe tvorje tveti yathākāmaṃ yajuḥsaṃhitām ādyāṃstrīn anuvākānsvādhyāyaṃ kurvīta
- 6
नैमित्तिकम् ऋतं च सत्यं चेत्य् आदिसूक्तानि चतुर्वेदादिमन्त्रान्वाप्य् अधीयीत
naimittikam ṛtaṃ ca satyaṃ cety ādisūktāni caturvedādimantrānvāpy adhīyīta
- 7
सर्वयज्ञानाम् आदिर्ब्रह्मयज्ञः
sarvayajñānām ādirbrahmayajñaḥ
- 8
तस्माद् उपनयनप्रभृत्य् एव द्विजैः कर्तव्यः
tasmād upanayanaprabhṛty eva dvijaiḥ kartavyaḥ
- 9
नद्यां तीर्थे देवखाते सरसि तटाके वा सामान्ये स्नानं कुर्यात्
nadyāṃ tīrthe devakhāte sarasi taṭāke vā sāmānye snānaṃ kuryāt

