9 shlokas
- 1
गृहस्थः सपत्नीकः पञ्चाग्निभिस्त्रेताग्निभिर्वा गृहाद्वनाश्रमं यास्यन्न् आहिताग्निर् अनाहिताग्निश्चौपासनम् अरण्यामारोप्य गृहे मथित्वा श्रामणकीयविधानेनाधायाघारं हुत्वाश्रामणकाग्निम् आदाय तृतीयम् आश्रमं गच्छेत्
gṛhasthaḥ sapatnīkaḥ pañcāgnibhistretāgnibhirvā gṛhādvanāśramaṃ yāsyann āhitāgnir anāhitāgniścaupāsanam araṇyāmāropya gṛhe mathitvā śrāmaṇakīyavidhānenādhāyāghāraṃ hutvāśrāmaṇakāgnim ādāya tṛtīyam āśramaṃ gacchet
- 2
पूर्ववद् अग्न्यालयप्रोक्षणोल्लेखनादिकर्म कुर्यात्
pūrvavad agnyālayaprokṣaṇollekhanādikarma kuryāt
- 3
तृतीयाम् अपि वेदिं परिमृज्य षडङ्गुलाग्नेर्दर्भैर्ग्रथिते ऽधस्त्रिधाकृतं रज्जुवत्मूले बद्धं षट्त्रिंशदङ्गुलप्रमाणं परिस्तरणकूर्चं कृत्वा मध्यवेद्यां परिस्तृणाति श्रामणकं
tṛtīyām api vediṃ parimṛjya ṣaḍaṅgulāgnerdarbhairgrathite 'dhastridhākṛtaṃ rajjuvatmūle baddhaṃ ṣaṭtriṃśadaṅgulapramāṇaṃ paristaraṇakūrcaṃ kṛtvā madhyavedyāṃ paristṛṇāti śrāmaṇakaṃ
- 4
श्रामणकयज्ञं यज्ञदैवतविश्वान्देवानित्यन्तम् आवाह्याज्यं निरूप्य श्रामणकाय स्वाहा श्रामणकयज्ञाय स्वाहा यज्ञदैवतविश्वेभ्यो देवेभ्यः स्वाहेत्य् अन्तं हुत्वा चरुं जुहुयाद् इत्य् आधारविशेषः
śrāmaṇakayajñaṃ yajñadaivataviśvāndevānityantam āvāhyājyaṃ nirūpya śrāmaṇakāya svāhā śrāmaṇakayajñāya svāhā yajñadaivataviśvebhyo devebhyaḥ svāhety antaṃ hutvā caruṃ juhuyād ity ādhāraviśeṣaḥ
- 5
श्रामणकाग्नेश्चोर्ध्ववेदिर्द्वात्रिंशदङ्गुल्यायता चतुरङ्गुलिविस्तारोन्नता
śrāmaṇakāgneścordhvavedirdvātriṃśadaṅgulyāyatā caturaṅgulivistāronnatā
- 6
मध्यमा तत्परिगता पञ्चाङ्गुलिविस्तारा चतुरङ्गुलोत्सेधा
madhyamā tatparigatā pañcāṅgulivistārā caturaṅgulotsedhā
- 7
अधस्ताद् ऊर्ध्ववेदिविस्तारोन्नता तृतीया वेदिः
adhastād ūrdhvavedivistāronnatā tṛtīyā vediḥ
- 8
द्वादशाङ्गुलं मध्ये निम्नं त्रिवेदिसहितं कुण्डं कृत्वाधाय वनस्थो नित्यम् औपासनवत्सायं प्रातर् आहुतीर्हुत्वा महाव्याहृतिभिः श्रामणकाग्निं जुहुयात्
dvādaśāṅgulaṃ madhye nimnaṃ trivedisahitaṃ kuṇḍaṃ kṛtvādhāya vanastho nityam aupāsanavatsāyaṃ prātar āhutīrhutvā mahāvyāhṛtibhiḥ śrāmaṇakāgniṃ juhuyāt
- 9
पत्नीको दारैर् अग्निभिर्विना वनं गच्छेत्
patnīko dārair agnibhirvinā vanaṃ gacchet

