9 shlokas
- 1
निवृत्त्याचारभेदाद्धि योगिनस्त्रिविधा भवन्ति सारङ्गा एकार्थ्या विसरगाश्चेति
nivṛttyācārabhedāddhi yoginastrividhā bhavanti sāraṅgā ekārthyā visaragāśceti
- 2
अनिरोधका निरोधका मार्गगा विमार्गगाश्चेति चतुर्विधाः सारङ्गाः
anirodhakā nirodhakā mārgagā vimārgagāśceti caturvidhāḥ sāraṅgāḥ
- 3
दूरगा अदूरगा भ्रूमध्यगा असम्भक्ताः सम्भक्ताश्चेत्य् एकार्थ्याः पञ्चधा भवन्ति
dūragā adūragā bhrūmadhyagā asambhaktāḥ sambhaktāścety ekārthyāḥ pañcadhā bhavanti
- 4
न संख्यावन्तो विसरगाः
na saṃkhyāvanto visaragāḥ
- 5
तत्र सारङ्गाः सारं क्षेत्रज्ञस्तं गच्छन्तीति सारङ्गाः
tatra sāraṅgāḥ sāraṃ kṣetrajñastaṃ gacchantīti sāraṅgāḥ
- 6
तेष्व् अनिरोधका अहं विष्णुर् इति ध्यात्वा ये चरन्ति तेषां प्राणायामादयो न सन्ति
teṣv anirodhakā ahaṃ viṣṇur iti dhyātvā ye caranti teṣāṃ prāṇāyāmādayo na santi
- 7
ये तु निरोधकास्तेषां प्राणायामप्रत्याहारधारणादयः षोडश कलाः सन्ति
ye tu nirodhakāsteṣāṃ prāṇāyāmapratyāhāradhāraṇādayaḥ ṣoḍaśa kalāḥ santi
- 8
ये मार्गगास्तेषां षड् एव प्राणायामादयः
ye mārgagāsteṣāṃ ṣaḍ eva prāṇāyāmādayaḥ
- 9
ये विमार्गास्तेषां यमनियमासनप्राणायामप्रत्याहारधारणाध्यानसमाधयश्चेत्य् अष्टाङ्गान्कल्पयन्तो ध्येयम् अप्य् अन्यथा कुर्वन्ति
ye vimārgāsteṣāṃ yamaniyamāsanaprāṇāyāmapratyāhāradhāraṇādhyānasamādhayaścety aṣṭāṅgānkalpayanto dhyeyam apy anyathā kurvanti

