2 shlokas
- 1
यो वा अविद्वान्निवर्तयते
विशीर्षा सपाप्मामुष्मिंल्लोके भवति
अथ यो विद्वान्निवर्तयते
सशीर्षा विपाप्मामुष्मिंल्लोके भवति
देवता वै सप्त पुष्टिकामा न्यवर्तयन्त
अग्निश्च पृथिवी च
वायुश्चान्तरिक्षं च
आदित्यश्च द्यौश्च चन्द्रमाः
अग्निर्न्यवर्तयत
स साहस्रम् अपुष्यत्
yo vā avidvānnivartayate
viśīrṣā sapāpmāmuṣmiṃlloke bhavati
atha yo vidvānnivartayate
saśīrṣā vipāpmāmuṣmiṃlloke bhavati
devatā vai sapta puṣṭikāmā nyavartayanta
agniśca pṛthivī ca
vāyuścāntarikṣaṃ ca
ādityaśca dyauśca candramāḥ
agnirnyavartayata
sa sāhasram apuṣyat
- 2
पृथिवी न्यवर्तयत
सौषधीभिर्वनस्पतिभिर् अपुष्यत्
वायुर्न्यवर्तयत
स मरीचिभिर् अपुष्यत्
अन्तरिक्षं न्यवर्तयत
तद्वयोभिर् अपुष्यत्
आदित्यो न्यवर्तयत
स रश्मिभिर् अपुष्यत्
द्यौर्न्यवर्तयत
सा नक्षत्रैर् अपुष्यत्
चन्द्रमा न्यवर्तयत
सो ऽहोरात्रैर् अर्धमासैर्मासैर् ऋतुभिः संवत्सरेनापुष्यत्
तान्पोषान्पुष्यति
यांस्ते ऽपुष्यन्
य एवं विद्वान्नि च वर्तयते परि च
pṛthivī nyavartayata
sauṣadhībhirvanaspatibhir apuṣyat
vāyurnyavartayata
sa marīcibhir apuṣyat
antarikṣaṃ nyavartayata
tadvayobhir apuṣyat
ādityo nyavartayata
sa raśmibhir apuṣyat
dyaurnyavartayata
sā nakṣatrair apuṣyat
candramā nyavartayata
so 'horātrair ardhamāsairmāsair ṛtubhiḥ saṃvatsarenāpuṣyat
tānpoṣānpuṣyati
yāṃste 'puṣyan
ya evaṃ vidvānni ca vartayate pari ca

