Sanskrit

3 shlokas

  1. 1
  2. 2
  3. 3

    प्रत्य् एव तिष्ठति

    ब्रह्मवादिनो वदन्ति

    दशहोता चतुर्होता

    पञ्चहोता षड्ढोता सप्तहोता

    अथ कस्माच्चतुर्होतार उच्यन्त इति

    इन्द्रो वै चतुर्होता

    इन्द्रः खलु वै श्रेष्ठो देवतानाम् उपदेशनात्

    य एवम् इन्द्रं श्रेष्ठं देवतानाम् उपदेशनाद्वेद

    वसिष्ठः समानानां भवति

    तस्माच्छ्रेष्ठम् आयन्तं प्रथमेनैवानुबुध्यन्ते

    अयम् आगन्

    अयम् अवासाद् इति

    कीर्तिर् अस्य पूर्वागच्छति जनताम् आयतः

    अथो एनं प्रथमेनैवानुबुध्यन्ते

    अयम् आगन्

    अयम् अवासाद् इति

    praty eva tiṣṭhati

    brahmavādino vadanti

    daśahotā caturhotā

    pañcahotā ṣaḍḍhotā saptahotā

    atha kasmāccaturhotāra ucyanta iti

    indro vai caturhotā

    indraḥ khalu vai śreṣṭho devatānām upadeśanāt

    ya evam indraṃ śreṣṭhaṃ devatānām upadeśanādveda

    vasiṣṭhaḥ samānānāṃ bhavati

    tasmācchreṣṭham āyantaṃ prathamenaivānubudhyante

    ayam āgan

    ayam avāsād iti

    kīrtir asya pūrvāgacchati janatām āyataḥ

    atho enaṃ prathamenaivānubudhyante

    ayam āgan

    ayam avāsād iti