4 shlokas
- 1
प्रजापतिः सोमं राजानम् असृजत
तं त्रयो वेदा अन्वसृज्यन्त
तान्हस्ते ऽकुरुत
अथ ह सीता सावित्री
सोमं राजानं चकमे
श्रद्धाम् उ स चकमे
सा ह पितरं प्रजापतिम् उपससार
तं होवाच
नमस्ते अस्तु भगवः
उप त्वायानि
prajāpatiḥ somaṃ rājānam asṛjata
taṃ trayo vedā anvasṛjyanta
tānhaste 'kuruta
atha ha sītā sāvitrī
somaṃ rājānaṃ cakame
śraddhām u sa cakame
sā ha pitaraṃ prajāpatim upasasāra
taṃ hovāca
namaste astu bhagavaḥ
upa tvāyāni
- 2
प्र त्वा पद्ये
सोमं वै राजानं कामये
श्रद्धाम् उ स कामयत इति
तस्या उ ह स्थागरम् अलङ्कारं कल्पयित्वा
दशहोतारं पुरस्ताद्व्याख्याय
चतुर्होतारं दक्षिणतः
पञ्चहोतारं पश्चात्
षड्ढोतारम् उत्तरतः
सप्तहोतारम् उपरिष्टात्
सम्भारैश्च पत्निभिश्च मुखे ऽलंकृत्य
pra tvā padye
somaṃ vai rājānaṃ kāmaye
śraddhām u sa kāmayata iti
tasyā u ha sthāgaram alaṅkāraṃ kalpayitvā
daśahotāraṃ purastādvyākhyāya
caturhotāraṃ dakṣiṇataḥ
pañcahotāraṃ paścāt
ṣaḍḍhotāram uttarataḥ
saptahotāram upariṣṭāt
sambhāraiśca patnibhiśca mukhe 'laṃkṛtya
- 3
आस्यार्धं वव्राज
तां होदीक्ष्योवाच
उप मा वर्तस्वेति
तं होवाच
भोगं तु म आचक्ष्व
एतन्म आचक्ष्व
यत्ते पाणाव् इति
तस्या उ ह त्रीन्वेदान्प्रददौ
तस्माद् उ ह स्त्रियो भोगम् ऐव हारयन्ते
स यः कामयेत प्रियः स्याम् इति
āsyārdhaṃ vavrāja
tāṃ hodīkṣyovāca
upa mā vartasveti
taṃ hovāca
bhogaṃ tu ma ācakṣva
etanma ācakṣva
yatte pāṇāv iti
tasyā u ha trīnvedānpradadau
tasmād u ha striyo bhogam aiva hārayante
sa yaḥ kāmayeta priyaḥ syām iti
- 4
यं वा कामयेत प्रियः स्याद् इति
तस्मा एतं स्थागरम् अलङ्कारं कल्पयित्वा
दशहोतारं पुरस्ताद्व्याख्याय
चतुर्होतारं दक्षिणतः
पञ्चहोतारं पश्चात्
षड्ढोतारम् उत्तरतः
सप्तहोतारम् उपरिष्टात्
सम्भारैश्च पत्निभिश्च मुखे ऽलंकृत्य
आस्यार्धं व्रजेत्
प्रियो हैव भवति
yaṃ vā kāmayeta priyaḥ syād iti
tasmā etaṃ sthāgaram alaṅkāraṃ kalpayitvā
daśahotāraṃ purastādvyākhyāya
caturhotāraṃ dakṣiṇataḥ
pañcahotāraṃ paścāt
ṣaḍḍhotāram uttarataḥ
saptahotāram upariṣṭāt
sambhāraiśca patnibhiśca mukhe 'laṃkṛtya
āsyārdhaṃ vrajet
priyo haiva bhavati

