3 shlokas
- 1
अथातः पश्वयनस्यैव
पश्वेकादशिन्यैवेयात्
स आग्नेयम्प्रथमं पशुम् आलभते ऽथ वारुणम् अथ पुनर् आग्नेयम्
एवम् एवैतया पश्वेकादशिन्येयात्
athātaḥ paśvayanasyaiva
paśvekādaśinyaiveyāt
sa āgneyamprathamaṃ paśum ālabhate 'tha vāruṇam atha punar āgneyam
evam evaitayā paśvekādaśinyeyāt
- 2
अथो अप्य् ऐन्द्राग्नम् एवाहर् अहः पशुम् आलभेत
अग्निर्वै सर्वा देवताः
अग्नौ हि सर्वाभ्यो देवताभ्यो जुह्वति
इन्द्रो वै यज्ञस्य देवता
तत्सर्वाश्चैवैतद्देवता नापराध्नोति यो च यज्ञस्य देवता तां नापराध्नोति
atho apy aindrāgnam evāhar ahaḥ paśum ālabheta
agnirvai sarvā devatāḥ
agnau hi sarvābhyo devatābhyo juhvati
indro vai yajñasya devatā
tatsarvāścaivaitaddevatā nāparādhnoti yo ca yajñasya devatā tāṃ nāparādhnoti
- 3
अथात स्तोमायनस्यैव
आग्नेयम् अग्निष्टोम आलभेत
तद्धि सलोम यद् आग्नेयम् अग्निष्टोम आलभेत
यद्य् उक्थ्यः स्याद् ऐन्द्राग्नं द्वितीयम् आलभेत
ऐन्द्राग्नानि ह्य् उक्थानि
यदि षोडशी स्याद् ऐन्द्रं तृतीयम् आलभेत
इन्द्रो हि षोडशी
यद्य् अतिरात्रः स्यात्सारस्वतं चतुर्थम् आलभेत
वाग्वै सरस्वती
योषा वै वाक्
योषा रात्रिः
तद्यथायथं यज्ञक्रतून्व्यावर्तयति
एतानि त्रीण्य् अयनानि
तेषां यतमत्कामयेत तेनेयात्
द्वा उपालम्भ्यौ पशू
सौर्यं द्वितीयम्पशुमालभते वैषुवते ऽहन्प्राजापत्यम्महाव्रते
athāta stomāyanasyaiva
āgneyam agniṣṭoma ālabheta
taddhi saloma yad āgneyam agniṣṭoma ālabheta
yady ukthyaḥ syād aindrāgnaṃ dvitīyam ālabheta
aindrāgnāni hy ukthāni
yadi ṣoḍaśī syād aindraṃ tṛtīyam ālabheta
indro hi ṣoḍaśī
yady atirātraḥ syātsārasvataṃ caturtham ālabheta
vāgvai sarasvatī
yoṣā vai vāk
yoṣā rātriḥ
tadyathāyathaṃ yajñakratūnvyāvartayati
etāni trīṇy ayanāni
teṣāṃ yatamatkāmayeta teneyāt
dvā upālambhyau paśū
sauryaṃ dvitīyampaśumālabhate vaiṣuvate 'hanprājāpatyammahāvrate

