9 shlokas
- 1
अच्छावाकः सीदेत्य् उक्तो ऽग्रेण सद उत्तरेण स्रुतिम् उपविश्य पुरोडाशं प्रतिगृह्याच्छावाक वदस्वेत्य् उक्तो ऽच्छा वो अग्निम् अवस इति तिस्रो ऽन्वाह
acchāvākaḥ sīdety ukto 'greṇa sada uttareṇa srutim upaviśya puroḍāśaṃ pratigṛhyācchāvāka vadasvety ukto 'cchā vo agnim avasa iti tisro 'nvāha
- 2
प्रणवान्निगदम्
praṇavānnigadam
- 3
यजमान होतर् अध्वर्यो ऽग्नीद्ब्रह्मन्पोतर्नेष्टर् उतोपवक्तर् इषेषयध्वम् ऊर्जोर्जयध्वं नि वो जामयो जिहतां न्य् अजामयो नि सपत्ना यामनि बाधितासो जेषथाभीत्वरीं जेषथाभीत्वर्याः श्रवद्व इन्द्रः शृणवद्वो अग्निः प्रस्थायेन्द्राग्निभ्यां सोमं वोचतोपो अस्मान्ब्राह्मणान्ब्राह्मणा ह्वयध्वम् इति
yajamāna hotar adhvaryo 'gnīdbrahmanpotarneṣṭar utopavaktar iṣeṣayadhvam ūrjorjayadhvaṃ ni vo jāmayo jihatāṃ ny ajāmayo ni sapatnā yāmani bādhitāso jeṣathābhītvarīṃ jeṣathābhītvaryāḥ śravadva indraḥ śṛṇavadvo agniḥ prasthāyendrāgnibhyāṃ somaṃ vocatopo asmānbrāhmaṇānbrāhmaṇā hvayadhvam iti
- 4
उपहवम् अयं ब्राह्मण इच्छते ऽच्छावाको वेत्य् अध्वर्युर् आह तं होतर् उपह्वयस्वेति
upahavam ayaṃ brāhmaṇa icchate 'cchāvāko vety adhvaryur āha taṃ hotar upahvayasveti
- 5
तं होतोपह्वयते
taṃ hotopahvayate
- 6
प्रत्य् एता वामा सूक्तायं सुन्वन्यजमानो अग्रभीद् उत प्रतिष्ठोतोपवक्त उत नो गाव उपहूता उतोपहूत इत्य् उपह्वास्यमानः
praty etā vāmā sūktāyaṃ sunvanyajamāno agrabhīd uta pratiṣṭhotopavakta uta no gāva upahūtā utopahūta ity upahvāsyamānaḥ
- 7
उत नो गाव उपहूता इत्य् आतो ऽनुपह्वास्यमानः
uta no gāva upahūtā ity āto 'nupahvāsyamānaḥ
- 8
अनुपहूतो ऽच्छावाको निवर्तध्वम् इति सूक्तस्य यावच्छक्नुयात्तावद् अनुद्रवेत्
anupahūto 'cchāvāko nivartadhvam iti sūktasya yāvacchaknuyāttāvad anudravet
- 9
होता वा प्रतिकामिनम् अच्छावाकं प्रत्युपहूय
hotā vā pratikāminam acchāvākaṃ pratyupahūya

