17 shlokas
- 1
उन्नीयमानेभ्य इत्य् उक्त आ त्वा वहन्तु हरय इत्य् उन्नीयमानसूक्तम्
unnīyamānebhya ity ukta ā tvā vahantu haraya ity unnīyamānasūktam
- 2
होता यक्षद् इन्द्रं प्रातः प्रातःसावस्येति प्रैषः
hotā yakṣad indraṃ prātaḥ prātaḥsāvasyeti praiṣaḥ
- 3
इदं ते सोम्यं मध्व् इति यजति
idaṃ te somyaṃ madhv iti yajati
- 4
नृचक्षसं त्वा नृचक्षाः प्रतीक्ष इति होतृचमसं प्रतीक्ष्य वयोधसं त्वा वयोधाः प्रतिगृह्णामीति प्रतिगृह्योरः संस्पर्शयति द्विदेवत्यांश्च
nṛcakṣasaṃ tvā nṛcakṣāḥ pratīkṣa iti hotṛcamasaṃ pratīkṣya vayodhasaṃ tvā vayodhāḥ pratigṛhṇāmīti pratigṛhyoraḥ saṃsparśayati dvidevatyāṃśca
- 5
पुनर् उन्नीतानां होत्रका यजन्ति
punar unnītānāṃ hotrakā yajanti
- 6
मित्रं वयम् इति मैत्रावरुणः
mitraṃ vayam iti maitrāvaruṇaḥ
- 7
इन्द्र त्वा वृषभम् इति ब्राह्मणाच्छंसी
indra tvā vṛṣabham iti brāhmaṇācchaṃsī
- 8
मरुतो यस्येति पोता
maruto yasyeti potā
- 9
अग्ने पत्नीर् इति नेष्टा
agne patnīr iti neṣṭā
- 10
उक्षान्नायेत्य् आग्नीध्रः
ukṣānnāyety āgnīdhraḥ
- 11
अयाड् अग्नीद् इत्य् उक्ते ऽयाड् इत्य् आग्नीध्रः
ayāḍ agnīd ity ukte 'yāḍ ity āgnīdhraḥ
- 12
स भद्रम् अकर्यो नः सोमं पाययिष्यतीति होता
sa bhadram akaryo naḥ somaṃ pāyayiṣyatīti hotā
- 13
सोमं भक्षयिष्यन्तो याज्ञिकैर्नामधेयैर् असा उपह्वयस्वेति कर्तारो ऽन्यो ऽन्यस्मिन्न् उपहवम् इच्छन्ते
somaṃ bhakṣayiṣyanto yājñikairnāmadheyair asā upahvayasveti kartāro 'nyo 'nyasminn upahavam icchante
- 14
वषट्कर्ता प्रथमो भक्षयति
vaṣaṭkartā prathamo bhakṣayati
- 15
प्रतिभक्षितं द्विदेवत्यशेषं नाराशंसवतां च ग्रहाणां होतृचमसे ऽवनयति हुते त्वा भक्षितम् अवनयाम्य् ऊर्जस्वन्तं देवेभ्य आयुष्मन्तं मह्यम् इति
pratibhakṣitaṃ dvidevatyaśeṣaṃ nārāśaṃsavatāṃ ca grahāṇāṃ hotṛcamase 'vanayati hute tvā bhakṣitam avanayāmy ūrjasvantaṃ devebhya āyuṣmantaṃ mahyam iti
- 16
द्विर् ऐन्द्रवायवशेषस्यावनयनं तत्राभ्यावर्तते मन्त्रः
dvir aindravāyavaśeṣasyāvanayanaṃ tatrābhyāvartate mantraḥ
- 17
अनवसर्जनं च द्विदेवत्यानाम् आ शेषस्यावनयनात्
anavasarjanaṃ ca dvidevatyānām ā śeṣasyāvanayanāt

