19 shlokas
- 1
आदौ माध्यन्दिनस्य सवनस्य राजानम् अभिषुण्वन्ति
ādau mādhyandinasya savanasya rājānam abhiṣuṇvanti
- 2
ग्रावस्तुत्पूर्वया द्वारा हविर्धाने प्रपद्योत्तरस्य हविर्धानस्य दक्षिणं चक्रम् अग्रेण दक्षिणा तिष्ठन्सोमोपनहनेन मुखं परिवेष्ट्य ग्रावघोषं श्रुत्वासंप्रेषितो ऽभिष्टौत्य् असंतन्वन्न् अर्धर्चशो ऽनवानं वा
grāvastutpūrvayā dvārā havirdhāne prapadyottarasya havirdhānasya dakṣiṇaṃ cakram agreṇa dakṣiṇā tiṣṭhansomopanahanena mukhaṃ pariveṣṭya grāvaghoṣaṃ śrutvāsaṃpreṣito 'bhiṣṭauty asaṃtanvann ardharcaśo 'navānaṃ vā
- 3
अभि त्वा देव सवितर्युञ्जते मन उत युञ्जते धिय आ तू न इन्द्र क्षुमन्तम् आ नो भर दक्षिणेनोप क्रमस्वा भर
abhi tvā deva savitaryuñjate mana uta yuñjate dhiya ā tū na indra kṣumantam ā no bhara dakṣiṇenopa kramasvā bhara
- 4
आ प्यायस्व समेतु त इत्य् आप्यायितवतीनां तिसृणां प्रथमाम् अभिष्टुत्यार्बुदस्य द्वे
ā pyāyasva sametu ta ity āpyāyitavatīnāṃ tisṛṇāṃ prathamām abhiṣṭutyārbudasya dve
- 5
द्वितीयाम् अभिष्टुत्यार्बुदस्य द्वे
dvitīyām abhiṣṭutyārbudasya dve
- 6
तृतीयाम् अभिष्टुत्यार्बुदस्यैकाम्
tṛtīyām abhiṣṭutyārbudasyaikām
- 7
मृजन्ति त्वा दश क्षिप एतम् उ त्यं दश क्षिप एतं मृजन्ति मर्ज्यम् इति मृष्टवतीर् अभिष्टुत्य
mṛjanti tvā daśa kṣipa etam u tyaṃ daśa kṣipa etaṃ mṛjanti marjyam iti mṛṣṭavatīr abhiṣṭutya
- 8
आ कलशा अनूषता कलशेषु धावति परि प्र सोम ते रस इति कलशवतीर् अभिष्टुत्य
ā kalaśā anūṣatā kalaśeṣu dhāvati pari pra soma te rasa iti kalaśavatīr abhiṣṭutya
- 9
आप्यायितवतीप्रभृत्य् एवं विहृतो द्वितीयो ऽपि सवः
षष्ठीप्रभृतयः पञ्चार्बुदस्य
āpyāyitavatīprabhṛty evaṃ vihṛto dvitīyo 'pi savaḥ
ṣaṣṭhīprabhṛtayaḥ pañcārbudasya
- 10
एवं विहृतस्तृतीयो ऽपि सवः
तिस्रो ऽर्बुदस्यैकादशीप्रभृतयः
evaṃ vihṛtastṛtīyo 'pi savaḥ
tisro 'rbudasyaikādaśīprabhṛtayaḥ
- 11
यस्मिन्सवे बृहच्छब्दं कुर्युर्बृहद्वदन्तीति तत्र
yasminsave bṛhacchabdaṃ kuryurbṛhadvadantīti tatra
- 12
षष्ठीं प्रथमे
ṣaṣṭhīṃ prathame
- 13
वितते पवित्रे पवित्रं त इति द्वे वि यत्पवित्रम् इत्य् एका
vitate pavitre pavitraṃ ta iti dve vi yatpavitram ity ekā
- 14
प्रास्य धाराः प्र धारा अस्य प्र ते धारा इति प्रक्षरन्तीषु धारासु
prāsya dhārāḥ pra dhārā asya pra te dhārā iti prakṣarantīṣu dhārāsu
- 15
ग्रहेषु गृह्यमाणेषु याः कामयेत पावमानीनाम्
graheṣu gṛhyamāṇeṣu yāḥ kāmayeta pāvamānīnām
- 16
इन्द्रायेन्दो मरुत्वत इति तिस्रो नियच्छति
indrāyendo marutvata iti tisro niyacchati
- 17
उत्तमे ग्रहे गृहीते ऽर्बुदस्योत्तमया परिधायादायोष्णीषम् उत्सृज्यते
uttame grahe gṛhīte 'rbudasyottamayā paridhāyādāyoṣṇīṣam utsṛjyate
- 18
सत्राहीनानां त्व् अन्त्ये ऽहनि
satrāhīnānāṃ tv antye 'hani
- 19
अर्बुदं वा शुद्धम् अभिष्टुयात्
arbudaṃ vā śuddham abhiṣṭuyāt

