24 shlokas
- 1
इह वसुः पुरूवसुर् इत्य् ऐन्द्रवायवम् अध्वर्यवे प्रगृह्योपहूतौ वायुर् इन्द्रवायू सह प्राणेन सह वर्चसा तयोर् अहम् उपहूतः सह प्राणेन सह वर्चसेति भक्षयित्वा प्रग्रहणमन्त्रेण पुनः प्रगृह्य भक्षमन्त्रेण पुनर्भक्षयति
iha vasuḥ purūvasur ity aindravāyavam adhvaryave pragṛhyopahūtau vāyur indravāyū saha prāṇena saha varcasā tayor aham upahūtaḥ saha prāṇena saha varcaseti bhakṣayitvā pragrahaṇamantreṇa punaḥ pragṛhya bhakṣamantreṇa punarbhakṣayati
- 2
इह वसुर्विदद्वसुर् इति मैत्रावरुणं प्रगृह्य
iha vasurvidadvasur iti maitrāvaruṇaṃ pragṛhya
- 3
उपहूतौ मित्रावरुणौ सह चक्षुषा सह वर्चसा तयोर् अहम् उपहूतः सह चक्षुषा सह वर्चसेति भक्षयित्वा
upahūtau mitrāvaruṇau saha cakṣuṣā saha varcasā tayor aham upahūtaḥ saha cakṣuṣā saha varcaseti bhakṣayitvā
- 4
आश्विनं प्रदक्षिणं शिरः पर्याहृत्यावेक्ष्य प्रतिपर्याहृत्यावेक्ष्य
āśvinaṃ pradakṣiṇaṃ śiraḥ paryāhṛtyāvekṣya pratiparyāhṛtyāvekṣya
- 5
इह वसुः संयद्वसुर् इत्य् आश्विनं प्रगृह्य
iha vasuḥ saṃyadvasur ity āśvinaṃ pragṛhya
- 6
उपहूतौ देवाव् अश्विनौ सह श्रोत्रेण सह वर्चसा तयोर् अहम् उपहूतः सह श्रोत्रेण सह वर्चसेति भक्षयित्वा
upahūtau devāv aśvinau saha śrotreṇa saha varcasā tayor aham upahūtaḥ saha śrotreṇa saha varcaseti bhakṣayitvā
- 7
उपस्पृश्येडाम् उपह्वयते
upaspṛśyeḍām upahvayate
- 8
उपोद्यच्छन्ति चमसान्
upodyacchanti camasān
- 9
होतृचमसम् अन्वारभते
hotṛcamasam anvārabhate
- 10
असंस्पर्शनं सर्वत्राज्यलेपेन सोमस्य
asaṃsparśanaṃ sarvatrājyalepena somasya
- 11
उपहूय प्रस्थितान्भक्षयन्ति
upahūya prasthitānbhakṣayanti
- 12
तेजसे त्वा ब्रह्मवर्चसाय भक्षयामीति भक्षमन्त्रः प्रातःसवने
tejase tvā brahmavarcasāya bhakṣayāmīti bhakṣamantraḥ prātaḥsavane
- 13
ओजसे त्वेन्द्रियाय भक्षयामीति माध्यन्दिने
ojase tvendriyāya bhakṣayāmīti mādhyandine
- 14
प्रजायै त्वा पुष्ट्यै भक्षयामीति तृतीयसवने
prajāyai tvā puṣṭyai bhakṣayāmīti tṛtīyasavane
- 15
शं नो भव हृद इत्य् उरोऽभिमर्शनी भक्षयित्वा
śaṃ no bhava hṛda ity uro'bhimarśanī bhakṣayitvā
- 16
सव्ये पाणौ चमसान्कृत्वा दक्षिणेनाप्याययन्ति
savye pāṇau camasānkṛtvā dakṣiṇenāpyāyayanti
- 17
आ प्यायस्व समेतु त इत्य् आप्यायनी प्रातःसवने
ā pyāyasva sametu ta ity āpyāyanī prātaḥsavane
- 18
सं ते पयांसीत्य् उत्तरयोः
saṃ te payāṃsīty uttarayoḥ
- 19
प्रस्थितान् आप्याययन्ति
prasthitān āpyāyayanti
- 20
आज्ये मरुत्वतीये च
ājye marutvatīye ca
- 21
आज्यप्रौगयोर्नाराशंसा निष्केवल्यमरुत्वतीययोर्वैश्वदेवे च
ājyapraugayornārāśaṃsā niṣkevalyamarutvatīyayorvaiśvadeve ca
- 22
देवो ऽसि नराशंसो यत्ते मेधः स्वर्ज्योतिस्तस्य त ऊमैः पितृभिर्भक्षितस्योपहूतस्योपहूतो भक्षयामीति भक्षमन्त्रः प्रातःसवने नाराशंसानाम्
devo 'si narāśaṃso yatte medhaḥ svarjyotistasya ta ūmaiḥ pitṛbhirbhakṣitasyopahūtasyopahūto bhakṣayāmīti bhakṣamantraḥ prātaḥsavane nārāśaṃsānām
- 23
ऊर्वैर् इति माध्यन्दिने विकारः
ūrvair iti mādhyandine vikāraḥ
- 24
काव्यैर् इति तृतीयसवने
kāvyair iti tṛtīyasavane

