27 shlokas
- 1
अप्रवर्ग्यः प्रथमयज्ञः
apravargyaḥ prathamayajñaḥ
- 2
विकल्पः श्रोत्रियस्य
vikalpaḥ śrotriyasya
- 3
उत्तरेण गार्हपत्यम्
uttareṇa gārhapatyam
- 4
महावीरपात्रेषु साद्यमानेषु पूर्वया द्वारा शालां प्रपद्य
उत्तरेणाहवनीयम्खरौ पात्राणि च गत्वा
पश्चाद् उपोपविश्य
होतर् अभिष्टुहीत्य् उक्तः
अनवानम् एकैकां सप्रणवाम् अभिष्टौति
mahāvīrapātreṣu sādyamāneṣu pūrvayā dvārā śālāṃ prapadya
uttareṇāhavanīyamkharau pātrāṇi ca gatvā
paścād upopaviśya
hotar abhiṣṭuhīty uktaḥ
anavānam ekaikāṃ sapraṇavām abhiṣṭauti
- 5
ब्रह्म जज्ञानं प्रथमं पुरस्ताद्वि सीमतः सुरुचो वेन आवः
स बुध्न्या उपमा अस्य विष्ठाः सतश्च योनिम् असतश्च वि वः
brahma jajñānaṃ prathamaṃ purastādvi sīmataḥ suruco vena āvaḥ
sa budhnyā upamā asya viṣṭhāḥ sataśca yonim asataśca vi vaḥ
- 6
इयं पित्रे राष्ट्र्य् एत्य् अग्रे प्रथमाय जनुषे भूम नेष्ठाः
तस्मा एतं सुरुचं ह्वारमह्यं घर्मं श्रीणन्ति प्रथमस्य धासेः
iyaṃ pitre rāṣṭry ety agre prathamāya januṣe bhūma neṣṭhāḥ
tasmā etaṃ surucaṃ hvāramahyaṃ gharmaṃ śrīṇanti prathamasya dhāseḥ
- 7
अभि त्यं देवं सवितारम् ओण्योः कविक्रतुम्
अर्चामि सत्यसवं रत्नधाम् अभि प्रियं मतिम्कविम्
ऊर्ध्वा यस्यामतिर्भा अदिद्युतत्सवीमनि
हिरण्यपाणिर् अमिमीत सुक्रतुः कृपा स्वस्तृपा स्वर् इति वा
abhi tyaṃ devaṃ savitāram oṇyoḥ kavikratum
arcāmi satyasavaṃ ratnadhām abhi priyaṃ matimkavim
ūrdhvā yasyāmatirbhā adidyutatsavīmani
hiraṇyapāṇir amimīta sukratuḥ kṛpā svastṛpā svar iti vā
- 8
अञ्जन्ति यम् इति बिले ऽज्यमाने
añjanti yam iti bile 'jyamāne
- 9
सं सीदस्वेति साद्यमाने
saṃ sīdasveti sādyamāne
- 10
भवा नो ऽग्ने सुमनास्तपो ष्व् अग्ने यो नः सनुत्य इत्य् अङ्गारेषूपोह्यमानेषु
bhavā no 'gne sumanāstapo ṣv agne yo naḥ sanutya ity aṅgāreṣūpohyamāneṣu
- 11
कृणुष्व पाज इति पञ्च
kṛṇuṣva pāja iti pañca
- 12
परि त्वा गिर्वणो ऽधि द्वयोः
pari tvā girvaṇo 'dhi dvayoḥ
- 13
शुक्रं ते ऽर्हन्बिभर्षि
śukraṃ te 'rhanbibharṣi
- 14
पतङ्गम् अक्तं स्रक्वे द्रप्सस्येति सूक्ते
pataṅgam aktaṃ srakve drapsasyeti sūkte
- 15
पवित्रं त इति द्वे
pavitraṃ ta iti dve
- 16
वि यत्पवित्रं धिषणा अतन्वत घर्मं शोचन्तं प्रणवेषु बिभ्रतः
समुद्रे ऽन्तरायवो विचक्षणं त्रिर् अह्नो नाम सूर्यस्य मन्वत
vi yatpavitraṃ dhiṣaṇā atanvata gharmaṃ śocantaṃ praṇaveṣu bibhrataḥ
samudre 'ntarāyavo vicakṣaṇaṃ trir ahno nāma sūryasya manvata
- 17
अयं वेन इति सूक्तं नाके सुपर्णम् इत्य् उद्धृत्य
ayaṃ vena iti sūktaṃ nāke suparṇam ity uddhṛtya
- 18
गणानां त्वेति सूक्तम्
gaṇānāṃ tveti sūktam
- 19
बृहद्वदेम विदथे सुवीरा इति वीरकामायै वीरं ध्यायात्
bṛhadvadema vidathe suvīrā iti vīrakāmāyai vīraṃ dhyāyāt
- 20
का राधद् इति नव
kā rādhad iti nava
- 21
आ नो विश्वाभिर् ऊतिभिर् इति तिस्रः
ā no viśvābhir ūtibhir iti tisraḥ
- 22
प्रातर्यावाणा इति पूर्वाह्णे सूक्तम्
prātaryāvāṇā iti pūrvāhṇe sūktam
- 23
आ भातीत्य् अपराह्णे
ā bhātīty aparāhṇe
- 24
सर्वम् ईडे द्यावीयम् उत्सृज्य वाचम्
sarvam īḍe dyāvīyam utsṛjya vācam
- 25
उत्तमां परिशिष्य रुचितो घर्म इत्य् उक्ते ऽरूरुचद् इत्य् अभिष्टुत्य
uttamāṃ pariśiṣya rucito gharma ity ukte 'rūrucad ity abhiṣṭutya
- 26
उत्तमया परिधाय
uttamayā paridhāya
- 27
उपस्पृश्योत्थायावकाशानाम् अनुवाकेन महावीरम् उपस्थायोपस्पृश्योपविशति
upaspṛśyotthāyāvakāśānām anuvākena mahāvīram upasthāyopaspṛśyopaviśati

