36 shlokas
- 1
उप ह्वय इति गव्य् आहूयमानायाम्
upa hvaya iti gavy āhūyamānāyām
- 2
हिंकृण्वतीत्य् आयत्याम्
hiṃkṛṇvatīty āyatyām
- 3
अभि त्वा देव सवितर् इत्य् अभिधीयमानायाम्
abhi tvā deva savitar ity abhidhīyamānāyām
- 4
सम् ई वत्सं सं वत्स इवेत्य् उपसृज्यमानायाम्
sam ī vatsaṃ saṃ vatsa ivety upasṛjyamānāyām
- 5
यस्ते स्तन इति स्तनं वत्से ऽभिपद्यमाने
yaste stana iti stanaṃ vatse 'bhipadyamāne
- 6
गौर् अमीमेद् इत्य् उन्नीयमाने
gaur amīmed ity unnīyamāne
- 7
नमसेद् उपसीदत संजानाना इत्य् उपसीदति
namased upasīdata saṃjānānā ity upasīdati
- 8
दोहेन गां दुहन्ति सप्ता दशभिर् आत्मन्वत्
समिद्धो ऽग्निर् अश्विना तप्तो वां घर्म आ गतम्
दुह्यन्ते गावो वृषण इह धेनवो दस्रा मदन्ति कारवः
तद् उ प्रयक्षतमम् इति दुह्यमानायाम्
dohena gāṃ duhanti saptā daśabhir ātmanvat
samiddho 'gnir aśvinā tapto vāṃ gharma ā gatam
duhyante gāvo vṛṣaṇa iha dhenavo dasrā madanti kāravaḥ
tad u prayakṣatamam iti duhyamānāyām
- 9
अधुक्षद् उत्तिष्ठ ब्रह्मणस्पत इत्य् उत्तिष्ठति
adhukṣad uttiṣṭha brahmaṇaspata ity uttiṣṭhati
- 10
उप द्रव पयसा गोधुगो षु मा घर्म सिञ्च पय उस्रियायाः
वि नाकम् अख्यत्सविता दमूना अनु द्यावा पृथिवीषु प्रणीते
इत्य् आह्रियमाणयोः पयसोः
upa drava payasā godhugo ṣu mā gharma siñca paya usriyāyāḥ
vi nākam akhyatsavitā damūnā anu dyāvā pṛthivīṣu praṇīte
ity āhriyamāṇayoḥ payasoḥ
- 11
आ सुते सिञ्चत श्रियम् आ नूनम् अश्विनोर् ऋषिर् इत्य् आसिच्यमानयोः
ā sute siñcata śriyam ā nūnam aśvinor ṛṣir ity āsicyamānayoḥ
- 12
उद् उ स्य देवः सविता हिरण्ययेत्य् उद्यम्यमाने
ud u sya devaḥ savitā hiraṇyayety udyamyamāne
- 13
कर्मविपर्यासे यथाकर्म
karmaviparyāse yathākarma
- 14
प्रैतु ब्रह्मणस्पतिर् इति प्रव्रजत्सु
praitu brahmaṇaspatir iti pravrajatsu
- 15
नाके सुपर्णम् इत्य् अनुसंयन्
nāke suparṇam ity anusaṃyan
- 16
होतृषदन उपविश्य
hotṛṣadana upaviśya
- 17
घर्मस्य यजेत्य् उक्तः
gharmasya yajety uktaḥ
- 18
उभा पिबतम्
तप्तो वां घर्मो नक्षति स्वहोता प्र वाम् अध्वर्युश्चरति प्रयस्वान्
मधोर्दुग्धस्य अश्विना तनाया वीतं पातं पयस उस्रियायाः
इति समस्ताभ्यां वषट्कृत्य
ubhā pibatam
tapto vāṃ gharmo nakṣati svahotā pra vām adhvaryuścarati prayasvān
madhordugdhasya aśvinā tanāyā vītaṃ pātaṃ payasa usriyāyāḥ
iti samastābhyāṃ vaṣaṭkṛtya
- 19
घर्मस्याग्ने वीहीत्य् अनुवषट्करोतीति पूर्वाह्णे
gharmasyāgne vīhīty anuvaṣaṭkarotīti pūrvāhṇe
- 20
अथापराह्णे
athāparāhṇe
- 21
अस्य पिबतम्
यद् उस्रियास्व् आहुतं घृतं पयो ऽयं सु वाम् अश्विना भाग आ गतम्
माध्वी धर्तारा विदथस्य सत्पती तप्तं घर्मं पिबतं रोचने दिवः
इति समस्ताभ्यां वषट्कृत्य
asya pibatam
yad usriyāsv āhutaṃ ghṛtaṃ payo 'yaṃ su vām aśvinā bhāga ā gatam
mādhvī dhartārā vidathasya satpatī taptaṃ gharmaṃ pibataṃ rocane divaḥ
iti samastābhyāṃ vaṣaṭkṛtya
- 22
तथैवानुवषट्कृत्य
tathaivānuvaṣaṭkṛtya
- 23
स्वाहाकृतः शुचिर्देवेषु घर्मो यो ऽश्विनोश्चमसो देवपानः
तम् ईं विश्वे ऽमृतासो जुषाणा गन्धर्वस्य प्रत्यास्ना रिहन्ति
इत्य् अभिष्टुत्य
svāhākṛtaḥ śucirdeveṣu gharmo yo 'śvinoścamaso devapānaḥ
tam īṃ viśve 'mṛtāso juṣāṇā gandharvasya pratyāsnā rihanti
ity abhiṣṭutya
- 24
सखे सखायम् इत्य् आयति
sakhe sakhāyam ity āyati
- 25
गन्धर्व इत्थेति साद्यमाने
gandharva ittheti sādyamāne
- 26
तं घेम् इत्थेति प्रागाथिकाम् आवर्त्स्यति
taṃ ghem ittheti prāgāthikām āvartsyati
- 27
हविर्हविष्म इति पुरा होमात्
havirhaviṣma iti purā homāt
- 28
प्राणभक्षो होतुः
prāṇabhakṣo hotuḥ
- 29
प्रत्यक्षो यजमानस्य
pratyakṣo yajamānasya
- 30
दधिघर्मे च
dadhigharme ca

