10 shlokas
- 1
अग्नीषोमीयेणोपवसथे पशुना यजते
agnīṣomīyeṇopavasathe paśunā yajate
- 2
यूपायाज्यम् आनयेत्युक्तो ऽञ्जन्ति त्वाम् इत्य् अन्वाह
yūpāyājyam ānayetyukto 'ñjanti tvām ity anvāha
- 3
उच्छ्रीयमाणायेत्युक्त उच्छ्रयस्व वनस्पते समिद्धस्य श्रयमाणः पुरस्ताज्जातो जायत ऊर्ध्व ऊ षु ण ऊर्ध्वो नः
ucchrīyamāṇāyetyukta ucchrayasva vanaspate samiddhasya śrayamāṇaḥ purastājjāto jāyata ūrdhva ū ṣu ṇa ūrdhvo naḥ
- 4
परिवीयमाणायेत्युक्तो युवा सुवासा इति परिधाय तिष्ठन्न् अन्वाह अग्निमन्थनीयाः
parivīyamāṇāyetyukto yuvā suvāsā iti paridhāya tiṣṭhann anvāha agnimanthanīyāḥ
- 5
यज्ञेन यज्ञम् इति परिधाय सामिधेनीर् अन्वाह
yajñena yajñam iti paridhāya sāmidhenīr anvāha
- 6
पशुदेवताम् आवाह्यानन्तरं वनस्पतिम्
paśudevatām āvāhyānantaraṃ vanaspatim
- 7
अध्वर्यू संमृश्य तिष्ठति
adhvaryū saṃmṛśya tiṣṭhati
- 8
मित्रावरुणयोस्त्वा प्रशास्त्रोः प्रशिषा प्रयच्छामि यज्ञस्यारिष्ट्या इति यजमानो मैत्रावरुणाय दण्डं प्रयच्छति
mitrāvaruṇayostvā praśāstroḥ praśiṣā prayacchāmi yajñasyāriṣṭyā iti yajamāno maitrāvaruṇāya daṇḍaṃ prayacchati
- 9
तेनैव मन्त्रेण यथार्थं प्रतिगृह्य दक्षिणेन होतारं दक्षिणावृत्पूर्वः प्रतिपद्यते
tenaiva mantreṇa yathārthaṃ pratigṛhya dakṣiṇena hotāraṃ dakṣiṇāvṛtpūrvaḥ pratipadyate
- 10
उत्तरेण हविर्धाने दक्षिणेनाग्नीध्रीयं धिष्ण्यं गत्वा पूर्वया द्वारा सदः प्रपद्य स्वस्य धिष्ण्यस्य पश्चाद् उपविश्यैकादश प्रयाजान्यजति
uttareṇa havirdhāne dakṣiṇenāgnīdhrīyaṃ dhiṣṇyaṃ gatvā pūrvayā dvārā sadaḥ prapadya svasya dhiṣṇyasya paścād upaviśyaikādaśa prayājānyajati

