9 shlokas
- 1
क्रीत्वा राजानम् आधाय शकटे सोमाय पर्युह्यमाणायेत्य् उक्तः
krītvā rājānam ādhāya śakaṭe somāya paryuhyamāṇāyety uktaḥ
- 2
भद्राद् अभि श्रेयः प्रेहि बृहस्पतिः पुरएता ते ऽस्तु
अथेम् अवस्य वर आ पृथिव्या आरे शत्रून्कृणुहि सर्ववीरः
इत्य् अन्तरेण वर्त्मनी तिष्ठन्न् अनूच्य
bhadrād abhi śreyaḥ prehi bṛhaspatiḥ puraetā te 'stu
athem avasya vara ā pṛthivyā āre śatrūnkṛṇuhi sarvavīraḥ
ity antareṇa vartmanī tiṣṭhann anūcya
- 3
इमां धियं शिक्षमाणस्य वनेषु व्यन्तरिक्षं सोम यास्त इति चतस्रो ऽनुसंयन्न् अन्तरेण वर्त्मनी
imāṃ dhiyaṃ śikṣamāṇasya vaneṣu vyantarikṣaṃ soma yāsta iti catasro 'nusaṃyann antareṇa vartmanī
- 4
शालाम् अग्रेण शकटम् अवस्थाप्य प्रपादयन्ति राजानम्
śālām agreṇa śakaṭam avasthāpya prapādayanti rājānam
- 5
येन व्रजेयुस्तेनानुसमियात्
yena vrajeyustenānusamiyāt
- 6
या ते धामानि हविषेत्य् अनुप्रपद्य
yā te dhāmāni haviṣety anuprapadya
- 7
अग्रेणाहवनीयं दक्षिणा तिष्ठन्न् आगन्देव इति परिधाय
agreṇāhavanīyaṃ dakṣiṇā tiṣṭhann āgandeva iti paridhāya
- 8
उपस्पृश्योत्सृज्यते
upaspṛśyotsṛjyate
- 9
मदन्तीभिर् उदकार्थो ऽत ऊर्ध्वम् आग्नीषोमप्रणयनात्
madantībhir udakārtho 'ta ūrdhvam āgnīṣomapraṇayanāt

