13 shlokas
- 1
दैव्याः शमितार उत च मनुष्या आरभध्वम् उपनयत मेध्या दुर आशासाना मेधपतिभ्यां मेधम्
daivyāḥ śamitāra uta ca manuṣyā ārabhadhvam upanayata medhyā dura āśāsānā medhapatibhyāṃ medham
- 2
प्रास्मा अग्निं भरत स्तृणीत बर्हिर् अन्व् एनं माता मन्यताम् अनु पितानु भ्राता सगर्भ्यो ऽनु सखा सयूथ्यः
prāsmā agniṃ bharata stṛṇīta barhir anv enaṃ mātā manyatām anu pitānu bhrātā sagarbhyo 'nu sakhā sayūthyaḥ
- 3
उदीचीनान् अस्य पदो निधत्तात्सूर्यं चक्षुर्गमयताद्वातं प्राणम् अन्ववसृजताद् अन्तरिक्षम् असुं दिशः श्रोत्रं पृथिवीं शरीरम्
udīcīnān asya pado nidhattātsūryaṃ cakṣurgamayatādvātaṃ prāṇam anvavasṛjatād antarikṣam asuṃ diśaḥ śrotraṃ pṛthivīṃ śarīram
- 4
एकधास्य त्वचम् आछ्यतात्पुरा नाभ्या अपिशसो वपाम् उत्खिदताद् अन्तरा इवोष्माणं वारयध्वात्
ekadhāsya tvacam āchyatātpurā nābhyā apiśaso vapām utkhidatād antarā ivoṣmāṇaṃ vārayadhvāt
- 5
श्येनम् अस्य वक्षः कृणुतात्प्रशसा बाहू शला दोषणी कश्यपा इवांसाछिद्रे श्रोणी कवषा ऊरू स्रेकपर्णाष्ठीवन्ता
śyenam asya vakṣaḥ kṛṇutātpraśasā bāhū śalā doṣaṇī kaśyapā ivāṃsāchidre śroṇī kavaṣā ūrū srekaparṇāṣṭhīvantā
- 6
षड्विंशतिर् अस्य वङ्क्रयस्ता अनुष्ठ्योच्च्यावयताद्गात्रं गात्रम् अस्यानूनम्कृणुतात्
ṣaḍviṃśatir asya vaṅkrayastā anuṣṭhyoccyāvayatādgātraṃ gātram asyānūnamkṛṇutāt
- 7
ऊवध्यगोहं पार्थिवम्खनतात्
ūvadhyagohaṃ pārthivamkhanatāt
- 8
अस्ना रक्षः संसृजतात्
asnā rakṣaḥ saṃsṛjatāt
- 9
वनिष्टुम् अस्य मा राविष्टोरूकं मन्यमाना नेद्वस्तोके तनये रविता रवच्छमितार इत्य् अध्रिगौ नवम उच्छ्वासः
vaniṣṭum asya mā rāviṣṭorūkaṃ manyamānā nedvastoke tanaye ravitā ravacchamitāra ity adhrigau navama ucchvāsaḥ
- 10
अध्रिगो शमीध्वं सुशमि शमीध्वं शमीध्वम् अध्रिगो इति त्रिः परिधायोपांशु जपत्य् उभाव् अपापश्चेति
adhrigo śamīdhvaṃ suśami śamīdhvaṃ śamīdhvam adhrigo iti triḥ paridhāyopāṃśu japaty ubhāv apāpaśceti
- 11
न पशुं संज्ञप्यमानम् ईक्षेत
na paśuṃ saṃjñapyamānam īkṣeta
- 12
पृषदाज्यावेक्षणं प्रायश्चित्तम्
pṛṣadājyāvekṣaṇaṃ prāyaścittam
- 13
ऋचं वा वैष्णवीं जपेत्
ṛcaṃ vā vaiṣṇavīṃ japet

