16 shlokas
- 1
अग्निर्ज्योतिर्ज्योतिर् अग्निः स्वाहेति सायम्
agnirjyotirjyotir agniḥ svāheti sāyam
- 2
सूर्यो ज्योतिर्ज्योतिः सूर्यः स्वाहेति प्रातः
sūryo jyotirjyotiḥ sūryaḥ svāheti prātaḥ
- 3
दक्षिणं जान्व् आच्यावषट्कारासु
dakṣiṇaṃ jānv ācyāvaṣaṭkārāsu
- 4
उपसाद्योत्तराम् असंसृजंस्तूष्णीं भूयसीं पूर्वस्याः
upasādyottarām asaṃsṛjaṃstūṣṇīṃ bhūyasīṃ pūrvasyāḥ
- 5
स्रुचि भूयिष्ठम्कुर्यात्
sruci bhūyiṣṭhamkuryāt
- 6
स्रुचो बुध्नेनाङ्गारान् उपस्पृश्य द्विर् उदीचीं स्रुचम् उद्यम्योपसादयति
sruco budhnenāṅgārān upaspṛśya dvir udīcīṃ srucam udyamyopasādayati
- 7
अगन्प्राणः स्वर्गम्लोकं जिते जयाम्य् अभयं मे ऽलोकताया अपुत्रताया अपशुताया इति यजमानः पूर्वाम् आहुतिम् अनुप्राणिति
aganprāṇaḥ svargamlokaṃ jite jayāmy abhayaṃ me 'lokatāyā aputratāyā apaśutāyā iti yajamānaḥ pūrvām āhutim anuprāṇiti
- 8
आगन्न् अपान आत्मानं विजिते विजयाम्य् अभयं मे ऽलोकताया अपुत्रताया अपशुताया इत्य् उत्तराम् अन्ववानिति
āgann apāna ātmānaṃ vijite vijayāmy abhayaṃ me 'lokatāyā aputratāyā apaśutāyā ity uttarām anvavāniti
- 9
या यज्ञस्य समृद्धस्याशीः सा मे समृध्यताम् इति
yā yajñasya samṛddhasyāśīḥ sā me samṛdhyatām iti
- 10
हुतयोर् उत्तरतः प्रतीचीं सायं द्विर् उपमार्ष्टि
hutayor uttarataḥ pratīcīṃ sāyaṃ dvir upamārṣṭi
- 11
ऊर्ध्वां दक्षिणतः प्रातः
ūrdhvāṃ dakṣiṇataḥ prātaḥ
- 12
पूर्वम् उपमार्जनम्कुशेषु निलिम्पत्य् ओषधीः प्रीणामीति मनसा
pūrvam upamārjanamkuśeṣu nilimpaty oṣadhīḥ prīṇāmīti manasā
- 13
उत्तरं दक्षिणतः पाणिम् उत्तानं निदधाति पितॄन्प्रीणामीति मनसा
uttaraṃ dakṣiṇataḥ pāṇim uttānaṃ nidadhāti pitṝnprīṇāmīti manasā
- 14
द्विः प्रदेशिन्या प्राश्योपब्दिमद् उदङ्पर्यावृत्य प्राग्दण्डया भक्षयित्वा प्राग्दण्डां पर्यस्य निर्लिह्य प्रक्षाल्याचम्य प्रागुदीचीर् अप उत्सिच्य प्रागुदीचीम् उद्दिशति
dviḥ pradeśinyā prāśyopabdimad udaṅparyāvṛtya prāgdaṇḍayā bhakṣayitvā prāgdaṇḍāṃ paryasya nirlihya prakṣālyācamya prāgudīcīr apa utsicya prāgudīcīm uddiśati
- 15
एतद् एकहोमे कर्म
etad ekahome karma
- 16
सर्वेषु तु जुह्वत्य् ऊर्णां स्रुचम् उत्तरेण गार्हपत्यं निधाय
sarveṣu tu juhvaty ūrṇāṃ srucam uttareṇa gārhapatyaṃ nidhāya

