23 shlokas
- 1
दक्षिणतो ऽग्निहोत्रीम् उपसृजन्ति
dakṣiṇato 'gnihotrīm upasṛjanti
- 2
न चान्तरेण संचरेरन्
na cāntareṇa saṃcareran
- 3
न च शूद्रेण दोहयेत्
na ca śūdreṇa dohayet
- 4
अग्नये देवेभ्यो धुक्ष्वेति सायं जपति
agnaye devebhyo dhukṣveti sāyaṃ japati
- 5
सूर्याय देवेभ्यो धुक्ष्वेति प्रातः
sūryāya devebhyo dhukṣveti prātaḥ
- 6
अशनायापिपासे स्त्रिया वै स्त्रियं बाधन्ते स्त्रिया वां बाधे ऽग्निहोत्र्या वत्सेन वीरेणेति सायंप्रातः
aśanāyāpipāse striyā vai striyaṃ bādhante striyā vāṃ bādhe 'gnihotryā vatsena vīreṇeti sāyaṃprātaḥ
- 7
अन्वाहार्यपचनेन वीरेणेति स्त्रीवत्सायाम्
anvāhāryapacanena vīreṇeti strīvatsāyām
- 8
सुभूतकृतः सुभूतं नः कृणुतेत्य् उपवेषेणोदीचो ऽङ्गारान्गार्हपत्यान्निरुह्याधिश्रयत्य् अशनायापिपासीयेनाग्निहोत्रस्थाल्या गार्हपत्येन वीरेणेति विकारः
subhūtakṛtaḥ subhūtaṃ naḥ kṛṇutety upaveṣeṇodīco 'ṅgārāngārhapatyānniruhyādhiśrayaty aśanāyāpipāsīyenāgnihotrasthālyā gārhapatyena vīreṇeti vikāraḥ
- 9
अग्नेष्ट्वा चक्षुषावेक्ष इति समिधम् आदीप्यावज्योत्य
agneṣṭvā cakṣuṣāvekṣa iti samidham ādīpyāvajyotya
- 10
सम् आप ओषधीनां रसेनेति स्रुवेणापः प्रत्यानीय
sam āpa oṣadhīnāṃ raseneti sruveṇāpaḥ pratyānīya
- 11
प्रतितप्य तूष्णीं पुनर् अवज्योत्य
pratitapya tūṣṇīṃ punar avajyotya
- 12
त्रिर् उपसादम् उदग् उद्वास्य
trir upasādam udag udvāsya
- 13
अनुच्छिन्दन्न् इव
anucchindann iva
- 14
नमो देवेभ्य इति दक्षिणतो ऽङ्गारान् उपस्पृश्य
namo devebhya iti dakṣiṇato 'ṅgārān upaspṛśya
- 15
सुभूताय व इति सुप्रत्यूढान्प्रत्युह्य
subhūtāya va iti supratyūḍhānpratyuhya
- 16
स्रुवं च स्रुचं च प्रतितप्योन्नयत्य् अशनायापिपासीयेन स्रुचा स्रुवेण वीरेणेति विकारः
sruvaṃ ca srucaṃ ca pratitapyonnayaty aśanāyāpipāsīyena srucā sruveṇa vīreṇeti vikāraḥ
- 17
चतुष्पञ्चकृत्वो वा
catuṣpañcakṛtvo vā
- 18
स्रुवे स्रुवे च मन्त्रः
sruve sruve ca mantraḥ
- 19
उन्नीते स्रुचं संमृशति
unnīte srucaṃ saṃmṛśati
- 20
सजूर्देवेभ्यः सायंयावभ्य इति सायं जपति
sajūrdevebhyaḥ sāyaṃyāvabhya iti sāyaṃ japati
- 21
सजूर्देवेभ्यः प्रातर्यावभ्य इति प्रातः
sajūrdevebhyaḥ prātaryāvabhya iti prātaḥ
- 22
उत्तरेण गार्हपत्यं स्रुचम् उपसाद्य प्रादेशमात्रीं पालाशीं समिधम् आदाय स्रुचं च समयातिहृत्य गार्हपत्यम् आहवनीयस्य पश्चाद् उदगग्रेषु कुशेषु स्रुचम् उपसाद्य समिधम् अभ्यादधात्य् अशनायापिपासीयेन समिधाहवनीयेन वीरेणेति विकारः
uttareṇa gārhapatyaṃ srucam upasādya prādeśamātrīṃ pālāśīṃ samidham ādāya srucaṃ ca samayātihṛtya gārhapatyam āhavanīyasya paścād udagagreṣu kuśeṣu srucam upasādya samidham abhyādadhāty aśanāyāpipāsīyena samidhāhavanīyena vīreṇeti vikāraḥ
- 23
द्व्यङ्गुलं समिधो ऽतिहृत्य अभिजुहोति
dvyaṅgulaṃ samidho 'tihṛtya abhijuhoti

