12 shlokas
- 1
संहितासि विश्वरूप्य् ऊर्जा माविश गौपत्येनेत्य् अस्या ललाटम् उपस्पृश्य
saṃhitāsi viśvarūpy ūrjā māviśa gaupatyenety asyā lalāṭam upaspṛśya
- 2
उप त्वाग्न इति तृचेन अग्ने त्वं न इति च द्वैपदेन गार्हपत्यम्
upa tvāgna iti tṛcena agne tvaṃ na iti ca dvaipadena gārhapatyam
- 3
इड एह्य् अदित एहि सूनृत एहीति गाम् अभ्येति
iḍa ehy adita ehi sūnṛta ehīti gām abhyeti
- 4
काम्या एत मयि वः कामधरणम् इति वत्सस्य ललाटम् उपस्पृश्य
kāmyā eta mayi vaḥ kāmadharaṇam iti vatsasya lalāṭam upaspṛśya
- 5
सोमानं स्वरणम् इति तृचेनोत्तरतो ऽन्वाहार्यपचनम्
somānaṃ svaraṇam iti tṛcenottarato 'nvāhāryapacanam
- 6
अन्तरेण गार्हपत्याहवनीयौ माहित्रं जपित्वाहवनीयम् उपतिष्ठते
antareṇa gārhapatyāhavanīyau māhitraṃ japitvāhavanīyam upatiṣṭhate
- 7
तत्सवितुर्वरेण्यम्कदा चन स्तरीर् असि परि ते दूलभ इति त्रिर् एताम्
tatsaviturvareṇyamkadā cana starīr asi pari te dūlabha iti trir etām
- 8
सर्वेषु तु जुह्वन्महाव्याहृतिभिस्तिस्रस्तिस्रः समिधो ऽभ्यादधात्य् आहवनीये वैकहावी
sarveṣu tu juhvanmahāvyāhṛtibhistisrastisraḥ samidho 'bhyādadhāty āhavanīye vaikahāvī
- 9
दैवस्तन्तुर् अस्य् अनु त्वा रभे माहं त्वद्व्यवच्छित्सीत्य् आहवनीयस्य दक्षिणतो ऽङ्गारान् उपस्पृश्य
daivastantur asy anu tvā rabhe māhaṃ tvadvyavacchitsīty āhavanīyasya dakṣiṇato 'ṅgārān upaspṛśya
- 10
ततो ऽसि तन्तुर् अस्य् अनु मा संतनुहि प्रजया पशुभी रायस्पोषेण सुप्रजास्त्वेन सुवीर्येण मानुषस्तन्तुर् अस्य् अनु मा रभस्व मा त्वं मद्व्यवच्छित्था असाव् इति ज्येष्ठस्य पुत्रस्य नामाभिव्याहृत्य यावन्तो वा भवन्ति
tato 'si tantur asy anu mā saṃtanuhi prajayā paśubhī rāyaspoṣeṇa suprajāstvena suvīryeṇa mānuṣastantur asy anu mā rabhasva mā tvaṃ madvyavacchitthā asāv iti jyeṣṭhasya putrasya nāmābhivyāhṛtya yāvanto vā bhavanti
- 11
आत्मनो ऽजातपुत्रः
ātmano 'jātaputraḥ
- 12
सत्येनावभृथम् अभ्यवैम्य् अप्सु व्रतम् इत्य् आचम्य वाचं विसृजते
satyenāvabhṛtham abhyavaimy apsu vratam ity ācamya vācaṃ visṛjate

