7 shlokas
- 1
इह पुष्टिं पुष्टिपतिर्दधात्व् इह प्रजां जनयतु प्रजापतिः
अग्नये रयिमते पशुमते पुष्टिपतये स्वाहा
अग्नये गृहपतये स्वाहा
अग्नये स्वाहा
तूष्णीं चतुर्थी गार्हपत्ये
iha puṣṭiṃ puṣṭipatirdadhātv iha prajāṃ janayatu prajāpatiḥ
agnaye rayimate paśumate puṣṭipataye svāhā
agnaye gṛhapataye svāhā
agnaye svāhā
tūṣṇīṃ caturthī gārhapatye
- 2
तत्सवितुर्वरेण्यं भूर्वाग्बहु बहु मे भूयात्स्वाहा
भर्गो देवस्य धीमहि भुवः प्राणो भूयान्भूयो मे भूयात्स्वाहा
धियो यो नः प्रचोदयात्स्वर्णाम सर्वं सर्वं मे भूयात्स्वाहा
अग्नये ऽन्नादाय अन्नपतये स्वाहेत्य् अन्वाहार्यपचने चतुर्थी
tatsaviturvareṇyaṃ bhūrvāgbahu bahu me bhūyātsvāhā
bhargo devasya dhīmahi bhuvaḥ prāṇo bhūyānbhūyo me bhūyātsvāhā
dhiyo yo naḥ pracodayātsvarṇāma sarvaṃ sarvaṃ me bhūyātsvāhā
agnaye 'nnādāya annapataye svāhety anvāhāryapacane caturthī
- 3
महाव्याहृतिभिस्तिस्रो ब्रह्मवर्चसकामस्य
mahāvyāhṛtibhistisro brahmavarcasakāmasya
- 4
अविकृता चतुर्थी
avikṛtā caturthī
- 5
याः स्रुच्य् आपस्त्रैधं ताः करोत्य् अग्निहोत्रस्थाल्यां गार्हपत्यस्य पश्चाद् अञ्जलौ च पत्न्याः
yāḥ srucy āpastraidhaṃ tāḥ karoty agnihotrasthālyāṃ gārhapatyasya paścād añjalau ca patnyāḥ
- 6
सं त्वा सृजामि प्रजया धनेनेत्यञ्जलौ
saṃ tvā sṛjāmi prajayā dhanenetyañjalau
- 7
प्रतितप्य स्रुचं निदधाति
pratitapya srucaṃ nidadhāti

