6 shlokas
- 1
दक्षिणतोन्यायं यजमानम्
dakṣiṇatonyāyaṃ yajamānam
- 2
उप प्रयन्तो ऽध्वरम् अयम् अग्निः सहस्रिण उभा वाम् अयं ते योनिर् अयम् इहास्य प्रत्नाम् इति षण्णां त्रिः प्रथमाम् उत्तमां च
upa prayanto 'dhvaram ayam agniḥ sahasriṇa ubhā vām ayaṃ te yonir ayam ihāsya pratnām iti ṣaṇṇāṃ triḥ prathamām uttamāṃ ca
- 3
आयुर्दा अग्ने ऽस्यायुर्मे देहि वर्चोदा अग्ने ऽसि वर्चो मे देहि तनूपा अग्ने ऽसि तन्वं मे पाह्य् अग्ने यन्म ऊनं तन्वस्तन्म आपृण
इन्धानास्त्वा शतं हिमा द्युमन्तं समिधीमहि
वयस्वन्तो वयस्कृतं सहस्वन्तः सहस्कृतम्
अग्ने सपत्नदम्भनम् अदब्धासो ऽदाभ्यम्
इति जपित्वा
āyurdā agne 'syāyurme dehi varcodā agne 'si varco me dehi tanūpā agne 'si tanvaṃ me pāhy agne yanma ūnaṃ tanvastanma āpṛṇa
indhānāstvā śataṃ himā dyumantaṃ samidhīmahi
vayasvanto vayaskṛtaṃ sahasvantaḥ sahaskṛtam
agne sapatnadambhanam adabdhāso 'dābhyam
iti japitvā
- 4
चित्रावसो स्वस्ति ते पारम् अशीयेति त्रिः
citrāvaso svasti te pāram aśīyeti triḥ
- 5
सं त्वम् अग्ने सूर्यस्य वर्चसागथाः समृषीणां स्तुतेन सं प्रियेण धाम्ना सम् अहम् आयुषा सं वर्चसा सं प्रजया सं प्रियेण धाम्ना सं रायस्पोषेण अग्निमषीयेत्य् उपविश्य
saṃ tvam agne sūryasya varcasāgathāḥ samṛṣīṇāṃ stutena saṃ priyeṇa dhāmnā sam aham āyuṣā saṃ varcasā saṃ prajayā saṃ priyeṇa dhāmnā saṃ rāyaspoṣeṇa agnimaṣīyety upaviśya
- 6
अम्भ स्थाम्भो वो भक्षीय मह स्थ महो वो भक्षीयोर्ज स्थोर्जं वो भक्षीय रायस्पोष स्थ रायस्पोषं वो भक्षीय
रेवती रमध्वम् अस्मिन्योनाव् अस्मिंल्लोके ऽस्मिन्गोष्ठे ऽस्मिन्क्षये ऽस्याम् आशिष्य् अस्यां प्रतिष्ठायाम् इह एव स्थेतो मापगातेति गाम् अभ्येति
ambha sthāmbho vo bhakṣīya maha stha maho vo bhakṣīyorja sthorjaṃ vo bhakṣīya rāyaspoṣa stha rāyaspoṣaṃ vo bhakṣīya
revatī ramadhvam asminyonāv asmiṃlloke 'smingoṣṭhe 'sminkṣaye 'syām āśiṣy asyāṃ pratiṣṭhāyām iha eva stheto māpagāteti gām abhyeti

