24 shlokas
- 1
संवत्सरे चूडाकर्म
saṃvatsare cūḍākarma
- 2
तृतीये वा वर्षे
tṛtīye vā varṣe
- 3
पञ्चमे क्षत्रियस्य
pañcame kṣatriyasya
- 4
सप्तमे वैश्यस्य
saptame vaiśyasya
- 5
अग्निम् उपसमाधाय
agnim upasamādhāya
- 6
व्रीहियवानां तिलमाषाणाम् इति पात्राणि च पूरयित्वा
vrīhiyavānāṃ tilamāṣāṇām iti pātrāṇi ca pūrayitvā
- 7
आनडुहं च गोमयं कुशभित्तं च केशप्रतिग्रहणायादर्शं नवनीतं लोहक्षुरं चोत्तरत उपस्थाप्य
ānaḍuhaṃ ca gomayaṃ kuśabhittaṃ ca keśapratigrahaṇāyādarśaṃ navanītaṃ lohakṣuraṃ cottarata upasthāpya
- 8
संपृच्यध्वम् ऋतावरीर् ऊर्मिणा मधुमत्तमाः पृञ्चतीर्मधुना पयो मन्द्रा धनस्य सातय इत्य् उष्णास्व् अप्सु शीता आसिञ्चति
saṃpṛcyadhvam ṛtāvarīr ūrmiṇā madhumattamāḥ pṛñcatīrmadhunā payo mandrā dhanasya sātaya ity uṣṇāsv apsu śītā āsiñcati
- 9
आप उन्दन्तु जीवसे दीर्घायुत्वाय वर्चसे त्र्यायुषं जमदग्नेः कश्यपस्य त्र्यायुषम् अगस्त्यस्य त्र्यायुषं यद्देवानां त्र्यायुषं तत्ते करोमि त्र्यायुषम् इत्य् असाव् इति शीतोष्णाभिर् अद्भिर्दक्षिणं केशपक्षं त्रिर् अभ्यनक्ति
āpa undantu jīvase dīrghāyutvāya varcase tryāyuṣaṃ jamadagneḥ kaśyapasya tryāyuṣam agastyasya tryāyuṣaṃ yaddevānāṃ tryāyuṣaṃ tatte karomi tryāyuṣam ity asāv iti śītoṣṇābhir adbhirdakṣiṇaṃ keśapakṣaṃ trir abhyanakti
- 10
शलल्यैके विजटान्कृत्वा
śalalyaike vijaṭānkṛtvā
- 11
नवनीतेनाभ्यज्य
navanītenābhyajya
- 12
ओषधे त्रायस्वैनम् इति कुशतरुणम् अन्तर्दधाति
oṣadhe trāyasvainam iti kuśataruṇam antardadhāti
- 13
केशान्कुशतरुणं चादर्शेन संस्पृश्य
keśānkuśataruṇaṃ cādarśena saṃspṛśya
- 14
तेजो ऽसि स्वधितिष्टे पिता मैनं हिंसीर् इति लोहक्षुरम् आदत्ते
tejo 'si svadhitiṣṭe pitā mainaṃ hiṃsīr iti lohakṣuram ādatte
- 15
येनावपत्सविता श्मश्र्व् अग्रे क्षुरेण राज्ञो वरुणस्य विद्वान्येन धाता बृहस्पतिर् इन्द्रस्य चावपच्छिरः तेन ब्रह्माणो वपतेदम् अद्यायुष्मान्दीर्घायुर् अयम् अस्तु वीरो ऽसाव् इति केशाग्राणि छिनत्ति कुशतरुणं च
yenāvapatsavitā śmaśrv agre kṣureṇa rājño varuṇasya vidvānyena dhātā bṛhaspatir indrasya cāvapacchiraḥ tena brahmāṇo vapatedam adyāyuṣmāndīrghāyur ayam astu vīro 'sāv iti keśāgrāṇi chinatti kuśataruṇaṃ ca
- 16
एवं द्वितीयम् एवं तृतीयम्
evaṃ dvitīyam evaṃ tṛtīyam
- 17
एवं द्विर् उत्तरतः
evaṃ dvir uttarataḥ
- 18
निकक्षयोः षष्ठसप्तमे गोदानकर्मणि
nikakṣayoḥ ṣaṣṭhasaptame godānakarmaṇi
- 19
एतद् एव गोदानकर्म यच्चूडाकर्म
etad eva godānakarma yaccūḍākarma
- 20
षोᄆअशे वर्षे ऽष्टादशे वा
ṣoᄆaśe varṣe 'ṣṭādaśe vā
- 21
तृतीये तु प्रवपने गां ददात्य् अहतं च वासः
tṛtīye tu pravapane gāṃ dadāty ahataṃ ca vāsaḥ
- 22
तूष्णीम् आवृतः कन्यानाम्
tūṣṇīm āvṛtaḥ kanyānām
- 23
प्रागुदीच्यां दिशि बह्वौषधिके देशे ऽपां वा समीपे केशान्निखनन्ति
prāgudīcyāṃ diśi bahvauṣadhike deśe 'pāṃ vā samīpe keśānnikhananti
- 24
नापिताय धान्यपात्राणि नापिताय धान्यपात्राणि
nāpitāya dhānyapātrāṇi nāpitāya dhānyapātrāṇi

