5 shlokas
- 1
अथ चतुर्थीकर्म
atha caturthīkarma
- 2
त्रिरात्रे निवृत्ते स्थालीपाकस्य जुहोति
trirātre nivṛtte sthālīpākasya juhoti
- 3
अग्ने प्रायश्चित्तिर् असि त्वं देवानां प्रायश्चित्तिर् असि यास्याः पतिघ्नी तनूस्ताम् अस्या अपजहि
वायो प्रायश्चित्तिर् असि त्वं देवानां प्रायश्चित्तिर् असि यास्या अपुत्रिया तनूस्ताम् अस्या अपजहि
सूर्य प्रायश्चित्तिर् असि त्वं देवानां प्रायश्चित्तिर् असि यास्या अपशव्या तनूस्ताम् अस्या अपजहि
अर्यमणं नु देवं कन्या अग्निम् अयक्षत सेमां देवो अर्यमा प्रेतो मुञ्चातु मामुतः
वरुणं नु देवं कन्या अग्निम् अयक्षत सेमां देवो वरुणः प्रेतो मुञ्चातु मामुतः
पूषणं नु देवं कन्या अग्निम् अयक्षत सेमां देवः पूषा प्रेतो मुञ्चातु मामुतः
agne prāyaścittir asi tvaṃ devānāṃ prāyaścittir asi yāsyāḥ patighnī tanūstām asyā apajahi
vāyo prāyaścittir asi tvaṃ devānāṃ prāyaścittir asi yāsyā aputriyā tanūstām asyā apajahi
sūrya prāyaścittir asi tvaṃ devānāṃ prāyaścittir asi yāsyā apaśavyā tanūstām asyā apajahi
aryamaṇaṃ nu devaṃ kanyā agnim ayakṣata semāṃ devo aryamā preto muñcātu māmutaḥ
varuṇaṃ nu devaṃ kanyā agnim ayakṣata semāṃ devo varuṇaḥ preto muñcātu māmutaḥ
pūṣaṇaṃ nu devaṃ kanyā agnim ayakṣata semāṃ devaḥ pūṣā preto muñcātu māmutaḥ
- 4
प्रजापत इति सप्तमी
prajāpata iti saptamī
- 5
सौविष्टकृत्य् अष्टमी
sauviṣṭakṛty aṣṭamī

