14 shlokas
- 1
अथ जातकर्म
atha jātakarma
- 2
जातं कुमारं त्रिर् अभ्यवान्यानुप्राण्याद् ऋचा प्राणिहि यजुषा समनिहि साम्नोदनिहीति
jātaṃ kumāraṃ trir abhyavānyānuprāṇyād ṛcā prāṇihi yajuṣā samanihi sāmnodanihīti
- 3
सर्पिर्मधुनी दध्युदके च संनिनीय व्रीहियवौ वा संनिघृष्य त्रिः प्राशयेज्जातरूपेण
sarpirmadhunī dadhyudake ca saṃninīya vrīhiyavau vā saṃnighṛṣya triḥ prāśayejjātarūpeṇa
- 4
प्र ते यच्छामि मधुमन्मखाय वेदं प्रसूतं सवित्रा मघोनायुष्मान्गुपितो देवताभिः शतं जीव शरदो लोके अस्मिन्न् इत्य् असाव् इति नामास्य दधाति घोषवदाद्य् अन्तरन्तस्थं द्व्यक्षरं चतुरक्षरं वापि वा षᄆअक्षरं कृतं कुर्यान्न तद्धितम्
pra te yacchāmi madhumanmakhāya vedaṃ prasūtaṃ savitrā maghonāyuṣmāngupito devatābhiḥ śataṃ jīva śarado loke asminn ity asāv iti nāmāsya dadhāti ghoṣavadādy antarantasthaṃ dvyakṣaraṃ caturakṣaraṃ vāpi vā ṣaᄆakṣaraṃ kṛtaṃ kuryānna taddhitam
- 5
तद् अस्य पिता माता च विद्याताम्
tad asya pitā mātā ca vidyātām
- 6
दशम्यां व्यावहारिकं ब्राह्मणजुष्टम्
daśamyāṃ vyāvahārikaṃ brāhmaṇajuṣṭam
- 7
गोः कृष्णस्य शुक्लकृष्णानि लोहितानि च रोमाणि मषं कारयित्वैतस्मिन्न् एव चतुष्टये संनिनीय चतुः प्राशयेद् इति माण्डूकेयः
goḥ kṛṣṇasya śuklakṛṣṇāni lohitāni ca romāṇi maṣaṃ kārayitvaitasminn eva catuṣṭaye saṃninīya catuḥ prāśayed iti māṇḍūkeyaḥ
- 8
भूर् ऋग्वेदं त्वयि दधाम्य् असौ स्वाहा भुवो यजुर्वेदं त्वयि दधाम्य् असौ स्वाहा स्वः सामवेदं त्वयि दधाम्य् असौ स्वाहा भूर्भुवः स्वर्वाकोवाक्यम् इतिहासपुराणम् ॐ सर्वान्वेदांस्त्वयि दधाम्य् असौ स्वाहेति वा
bhūr ṛgvedaṃ tvayi dadhāmy asau svāhā bhuvo yajurvedaṃ tvayi dadhāmy asau svāhā svaḥ sāmavedaṃ tvayi dadhāmy asau svāhā bhūrbhuvaḥ svarvākovākyam itihāsapurāṇam oṃ sarvānvedāṃstvayi dadhāmy asau svāheti vā
- 9
मेधाजननं दक्षिणे कर्णे वाग् इति त्रिः
medhājananaṃ dakṣiṇe karṇe vāg iti triḥ
- 10
वाग्देवी मनसा संविदाना प्राणेन वत्सेन सहेन्द्रप्रोक्ता जुषतां त्वा सौमनसाय देवी मही मन्द्रा वाणी वाणीची सलिला स्वयंभूर् इति चानुमन्त्रयेत
vāgdevī manasā saṃvidānā prāṇena vatsena sahendraproktā juṣatāṃ tvā saumanasāya devī mahī mandrā vāṇī vāṇīcī salilā svayaṃbhūr iti cānumantrayeta
- 11
शणसूत्रेण विग्रन्थ्य जातरूपम्
śaṇasūtreṇa vigranthya jātarūpam
- 12
दक्षिणे पाणाव् अपिनह्यौत्थानात्
dakṣiṇe pāṇāv apinahyautthānāt
- 13
ऊर्ध्वं दशम्या ब्राह्मणेभ्यो दद्यात्
ūrdhvaṃ daśamyā brāhmaṇebhyo dadyāt
- 14
अमा वा कुर्वीत
amā vā kurvīta

