12 shlokas
- 1
आनडुहम् इत्य् उक्तं
ānaḍuham ity uktaṃ
- 2
तस्मिन्न् उपवेश्यान्वारब्धायां पतिश्चतस्रो जुहोति
tasminn upaveśyānvārabdhāyāṃ patiścatasro juhoti
- 3
अग्निना देवेन पृथिवीलोकेन लोकानाम् ऋग्वेदेन वेदानां तेन त्वा शमयाम्य् असौ स्वाहा
वायुना देवेनान्तरिक्षलोकेन लोकानां यजुर्वेदेन वेदानां तेन त्वा शमयाम्य् असौ स्वाहा
सूर्येन देवेन द्यौर्लोकेन लोकानां सामवेदेन वेदानां तेन त्वा शमयाम्य् असौ स्वाहा
चन्द्रेण देवेन दिशां लोकेन लोकानां ब्रह्मवेदेन वेदानां तेन त्वा शमयाम्य् असौ स्वाहा
agninā devena pṛthivīlokena lokānām ṛgvedena vedānāṃ tena tvā śamayāmy asau svāhā
vāyunā devenāntarikṣalokena lokānāṃ yajurvedena vedānāṃ tena tvā śamayāmy asau svāhā
sūryena devena dyaurlokena lokānāṃ sāmavedena vedānāṃ tena tvā śamayāmy asau svāhā
candreṇa devena diśāṃ lokena lokānāṃ brahmavedena vedānāṃ tena tvā śamayāmy asau svāhā
- 4
भूर्या ते पतिघ्न्य् अलक्ष्मी देवरघ्नी जारघ्नीं तां करोम्य् असौ स्वाहेति वा प्रथमया महाव्याहृत्या प्रथमोपहिता द्वितीयया द्वितीया तृतीयया तृतीया समस्ताभिश्चतुर्थी
bhūryā te patighny alakṣmī devaraghnī jāraghnīṃ tāṃ karomy asau svāheti vā prathamayā mahāvyāhṛtyā prathamopahitā dvitīyayā dvitīyā tṛtīyayā tṛtīyā samastābhiścaturthī
- 5
अघोरचक्षुर् इत्य् आज्यलेपेन चक्षुषी विमृजीत
aghoracakṣur ity ājyalepena cakṣuṣī vimṛjīta
- 6
कया नश्चित्र इति तिसृभिः केशान्तान् अभिमृश्य
kayā naścitra iti tisṛbhiḥ keśāntān abhimṛśya
- 7
उत त्या दैव्या भिषजेति चतस्रो ऽनुद्रुत्यान्ते स्वाहाकारेण मूर्धनि संस्रावम्
uta tyā daivyā bhiṣajeti catasro 'nudrutyānte svāhākāreṇa mūrdhani saṃsrāvam
- 8
अत्र हैके कुमारम् उत्सङ्गम् आनयन्त्य् उभयतः सुजातम् आ ते योनिम् इत्य् एतया
atra haike kumāram utsaṅgam ānayanty ubhayataḥ sujātam ā te yonim ity etayā
- 9
अपि वा तूष्णीं
api vā tūṣṇīṃ
- 10
तस्याञ्जलौ फलानि दत्त्वा पुण्याहं वाचयति
tasyāñjalau phalāni dattvā puṇyāhaṃ vācayati
- 11
पुंसवती ह भवति
puṃsavatī ha bhavati
- 12
इहैव स्तम् इति सूक्तशेषेण गृहान्प्रपादयन्ति
ihaiva stam iti sūktaśeṣeṇa gṛhānprapādayanti

