11 shlokas
- 1
चतुरो मासान्पयोभक्षो गा अनुगत्वारण्ये शुचौ देशे मठं कृत्वा तत्र प्रविशेत्
कमण्डलुम् उदकोपस्पर्शनार्थम् आदाय त्रीन्त्सप्तरात्रान् अनुदक उपवसन्न् ऋचं साम यजामह इत्य् एतयोः पूर्वं सदा सहस्रकृत्व आवर्तयन्यदि देवताः पश्यति सिद्धं तद् इति
अथोत्थानम्
अन्तरिक्ष्या हास्य सिद्धा भवन्त्य् अन्तरिक्षक्रमणं च
द्वाराणि चास्य विव्लीयन्ते
caturo māsānpayobhakṣo gā anugatvāraṇye śucau deśe maṭhaṃ kṛtvā tatra praviśet
kamaṇḍalum udakopasparśanārtham ādāya trīntsaptarātrān anudaka upavasann ṛcaṃ sāma yajāmaha ity etayoḥ pūrvaṃ sadā sahasrakṛtva āvartayanyadi devatāḥ paśyati siddhaṃ tad iti
athotthānam
antarikṣyā hāsya siddhā bhavanty antarikṣakramaṇaṃ ca
dvārāṇi cāsya vivlīyante
- 2
द्वितीयम् एतेन कल्पेन प्रयुञ्जानः कामचारी मनोजवो भवति
dvitīyam etena kalpena prayuñjānaḥ kāmacārī manojavo bhavati
- 3
शुक्लान् उपवसेत्सर्वान्कालान्मृष्टः शुक्लवासाश्चन्दनेनानुलिप्तः सुमनसो धारयंस्त्यमूषु पूर्वं सदा सहस्रकृत्व आवर्तयन्ये मानुषाः कामास्तान् अवाप्नोति
śuklān upavasetsarvānkālānmṛṣṭaḥ śuklavāsāścandanenānuliptaḥ sumanaso dhārayaṃstyamūṣu pūrvaṃ sadā sahasrakṛtva āvartayanye mānuṣāḥ kāmāstān avāpnoti
- 4
द्वितीयम् एतेन कल्पेन प्रयुञ्जानो ये दैवास्तांस्तेन
dvitīyam etena kalpena prayuñjāno ye daivāstāṃstena
- 5
मासम् उपवसेद् एकम् एकम् अयाचितं भुञ्जीत मयि वर्च इत्य् एतेन कल्पेन चत्वारि वर्षाणि प्रयुञ्जानस्त्रयाणां लोकानाम् आधिपत्यं गच्छति वृद्धाव् अप्य् अस्यैकस्य
māsam upavased ekam ekam ayācitaṃ bhuñjīta mayi varca ity etena kalpena catvāri varṣāṇi prayuñjānastrayāṇāṃ lokānām ādhipatyaṃ gacchati vṛddhāv apy asyaikasya
- 6
अथ यान्य् अनादिष्टकामकल्पानि तेषां यथाश्रुति स्मृतिलिङ्गैः कामाः क्षुरसंयुक्ताः
atha yāny anādiṣṭakāmakalpāni teṣāṃ yathāśruti smṛtiliṅgaiḥ kāmāḥ kṣurasaṃyuktāḥ
- 7
आभिप्रायिकं कर्म
ābhiprāyikaṃ karma
- 8
सो ऽयं प्राजापत्यो विधिस्तम् इमं प्रजापतिर्बृहस्पतये प्रोवाच बृहस्पतिर्नारदाय नारदो विष्वक्सेनाय विष्वक्सेनो व्यासाय पाराशर्याय व्यासः पाराशर्यो जैमिनये जैमिनिः पौष्पिञ्ज्याय पौष्पिञ्ज्यः पाराशर्यायणाय पाराशर्यायणो बादरायणाय बादरायणस्ताण्डिशाट्यायनिभ्यां ताण्डिशाट्यायनिनौ बहुभ्यः
so 'yaṃ prājāpatyo vidhistam imaṃ prajāpatirbṛhaspataye provāca bṛhaspatirnāradāya nārado viṣvaksenāya viṣvakseno vyāsāya pārāśaryāya vyāsaḥ pārāśaryo jaiminaye jaiminiḥ pauṣpiñjyāya pauṣpiñjyaḥ pārāśaryāyaṇāya pārāśaryāyaṇo bādarāyaṇāya bādarāyaṇastāṇḍiśāṭyāyanibhyāṃ tāṇḍiśāṭyāyaninau bahubhyaḥ
- 9
सो ऽयम् अनूचानाय ब्रह्मचारिणे समावर्तमानायाख्येयः
so 'yam anūcānāya brahmacāriṇe samāvartamānāyākhyeyaḥ
- 10
उपाध्यायाय ग्रामवरं सहस्रं श्वेतं चाश्वं प्रदायानुज्ञातो वा यं कामं कामयते तम् आप्नोति तम् आप्नोति
upādhyāyāya grāmavaraṃ sahasraṃ śvetaṃ cāśvaṃ pradāyānujñāto vā yaṃ kāmaṃ kāmayate tam āpnoti tam āpnoti
- 11
वेदार्थस्य प्रकाशेन तमो हार्दं निवारयन्
पुमर्थाश्चतुरो देयाद्विद्यातीर्थमहेश्वरः
vedārthasya prakāśena tamo hārdaṃ nivārayan
pumarthāścaturo deyādvidyātīrthamaheśvaraḥ

