12 shlokas
- 1
त्रिरात्रोपोषितो भद्रो नो अग्निर् आहुत इत्य् एतेनाहुतिसहस्रं जुहुयात्
सहस्रं लभते
trirātropoṣito bhadro no agnir āhuta ity etenāhutisahasraṃ juhuyāt
sahasraṃ labhate
- 2
औदुम्बरीर्वा समिधो घृताक्ताः सहस्रं जुहुयात्
गा लभते
audumbarīrvā samidho ghṛtāktāḥ sahasraṃ juhuyāt
gā labhate
- 3
व्रीहियवान् अग्नौ जुहुयात्
धान्यं लभते
vrīhiyavān agnau juhuyāt
dhānyaṃ labhate
- 4
द्वादशरात्रोपोषित एवा ह्य् असि वीरयुर् इत्य् एतेनाहुतिसहस्रं जुहुयात्
ग्रामं लभते
एतांश्च सर्वान्कामान् अवाप्नोति
dvādaśarātropoṣita evā hy asi vīrayur ity etenāhutisahasraṃ juhuyāt
grāmaṃ labhate
etāṃśca sarvānkāmān avāpnoti
- 5
श्रत्तष्टकं प्रयुञ्जानः प्रथमेन हिरण्यं लभते द्वितीयेन धान्यं तृतीयेन पशून्चतुर्थेन पुत्रान्पञ्चमेन ग्रामान्षष्ठेन यशः सप्तमेन ब्रह्मवर्चसम् अष्टमेन स्वर्गं लोकम् अवाप्नोति
śrattaṣṭakaṃ prayuñjānaḥ prathamena hiraṇyaṃ labhate dvitīyena dhānyaṃ tṛtīyena paśūncaturthena putrānpañcamena grāmānṣaṣṭhena yaśaḥ saptamena brahmavarcasam aṣṭamena svargaṃ lokam avāpnoti
- 6
संवत्सरं गोग्रासम् आहरेद्गावश्चिद्ध समन्यव इत्य् एतेनानन्त्यां विन्दते श्रियम्
saṃvatsaraṃ gogrāsam āharedgāvaściddha samanyava ity etenānantyāṃ vindate śriyam
- 7
वैरूपाष्टकं नित्यं प्रयुञ्जानो लक्ष्मीं जुषते
vairūpāṣṭakaṃ nityaṃ prayuñjāno lakṣmīṃ juṣate
- 8
अन्त्यं वा जानुदघ्न उदके तिष्ठन्
antyaṃ vā jānudaghna udake tiṣṭhan
- 9
नाभिदघ्ने धान्यं कक्षदघ्ने पशून् आस्यदघ्ने पुत्रान्ग्रामं च
nābhidaghne dhānyaṃ kakṣadaghne paśūn āsyadaghne putrāngrāmaṃ ca
- 10
अनपेक्षितो वासकृद्गीत्वोत्तीर्णः सहस्रं लभते
anapekṣito vāsakṛdgītvottīrṇaḥ sahasraṃ labhate
- 11
आहुतिसहस्रं वा जुहुयात्सामान्तेषु स्वाहाकारैः
āhutisahasraṃ vā juhuyātsāmānteṣu svāhākāraiḥ
- 12
एतेषां कल्पानां यथा भूयस्तथा श्रेयस्तथा श्रेयः
eteṣāṃ kalpānāṃ yathā bhūyastathā śreyastathā śreyaḥ

