10 shlokas
- 1
अथ वृषोत्सर्गः
atha vṛṣotsargaḥ
- 2
गोयज्ञेन व्याख्यातः
goyajñena vyākhyātaḥ
- 3
कार्तिक्यां पौर्णमास्यां रेवत्यां वाश्वयुजस्य
kārtikyāṃ paurṇamāsyāṃ revatyāṃ vāśvayujasya
- 4
मध्ये गवां सुसमिद्धम् अग्निं कृत्वाज्यं संस्कृत्येह रतिर् इति षट्जुहोति प्रतिमन्त्रम्
madhye gavāṃ susamiddham agniṃ kṛtvājyaṃ saṃskṛtyeha ratir iti ṣaṭjuhoti pratimantram
- 5
पूषा गा अन्वेतु नः पूषा रक्षत्वर्वतः
पूषा वाजं सनोतु नः स्वाहेति पौष्णस्य जुहोति
pūṣā gā anvetu naḥ pūṣā rakṣatvarvataḥ
pūṣā vājaṃ sanotu naḥ svāheti pauṣṇasya juhoti
- 6
रुद्रान्जपित्वैकवर्णं द्विवर्णं वा यो वा यूथं छादयति यं वा यूथं छादयेद्रोहितो वैव स्यात्सर्वाङ्गैर् उपेतो जीववत्सायाः पयस्विन्याः पुत्रो यूथे च रूपस्वित्तमः स्यात्तम् अलंकृत्य यूथे मुख्याश्चतस्रो वत्सतर्यस्ताश्चालंकृत्य एतं युवानं पतिं वो ददामि तेन क्रीडन्तीश्चरथ प्रियेण
मा नः साप्तजनुषासुभगा रायस्पोषेण सम् इषा मदेमेत्य् एतयैवोत्सृजेरन्
rudrānjapitvaikavarṇaṃ dvivarṇaṃ vā yo vā yūthaṃ chādayati yaṃ vā yūthaṃ chādayedrohito vaiva syātsarvāṅgair upeto jīvavatsāyāḥ payasvinyāḥ putro yūthe ca rūpasvittamaḥ syāttam alaṃkṛtya yūthe mukhyāścatasro vatsataryastāścālaṃkṛtya etaṃ yuvānaṃ patiṃ vo dadāmi tena krīḍantīścaratha priyeṇa
mā naḥ sāptajanuṣāsubhagā rāyaspoṣeṇa sam iṣā mademety etayaivotsṛjeran
- 7
नभ्यस्थम् अभिमन्त्रयते मयोभूर् इत्य् अनुवाकशेषेण
nabhyastham abhimantrayate mayobhūr ity anuvākaśeṣeṇa
- 8
सर्वासां पयसि पायसं श्रपयित्वा ब्राह्मणान्भोजयेत्
sarvāsāṃ payasi pāyasaṃ śrapayitvā brāhmaṇānbhojayet
- 9
पशुम् अप्येके कुर्वन्ति
paśum apyeke kurvanti
- 10
तस्य शूलगवेन कल्पो व्याख्यातः
tasya śūlagavena kalpo vyākhyātaḥ

