55 shlokas
- 1
अथोदककर्म
athodakakarma
- 2
अद्विवर्षे प्रेते मातापित्रोराशौचम्
advivarṣe prete mātāpitrorāśaucam
- 3
शौचम् एवेतरेषाम्
śaucam evetareṣām
- 4
एकरात्रं त्रिरात्रं वा
ekarātraṃ trirātraṃ vā
- 5
शरीरम् अदग्ध्वा निखनन्ति
śarīram adagdhvā nikhananti
- 6
अन्तःसूतके चेद् ओत्थानाद् आशौचं सूतकवत्
antaḥsūtake ced otthānād āśaucaṃ sūtakavat
- 7
नात्रोदककर्म
nātrodakakarma
- 8
द्विवर्षप्रभृति प्रेतम् आ श्मशानात्सर्वे ऽनुगच्छेयुः
dvivarṣaprabhṛti pretam ā śmaśānātsarve 'nugaccheyuḥ
- 9
यमगाथां गायन्तो यमसूक्तम्च जपन्त इत्येके
yamagāthāṃ gāyanto yamasūktamca japanta ityeke
- 10
यद्युपेतो भूमिजोषणादिसमानम् आहिताग्नेर् ओदकान्तस्य गमनात्
yadyupeto bhūmijoṣaṇādisamānam āhitāgner odakāntasya gamanāt
- 11
शालाग्निना दहन्त्य् एनमाहितश्चेत्
śālāgninā dahanty enamāhitaścet
- 12
तूष्णीं ग्रामाग्निनेतरम्
tūṣṇīṃ grāmāgninetaram
- 13
संयुक्तं मैथुनं वोदकम्याचेरन्न् उदकं करिष्यामह इति
saṃyuktaṃ maithunaṃ vodakamyācerann udakaṃ kariṣyāmaha iti
- 14
कुरुध्वं मा चैवं पुनर् इत्य् अशतवर्षे प्रेते
kurudhvaṃ mā caivaṃ punar ity aśatavarṣe prete
- 15
कुरुध्वम् इत्येवेतरस्मिन्
kurudhvam ityevetarasmin
- 16
सर्वे ज्ञातयो ऽपो ऽभ्यवयन्त्य् आ सप्तमात्पुरुषाद्दशमाद्वा
sarve jñātayo 'po 'bhyavayanty ā saptamātpuruṣāddaśamādvā
- 17
समानग्रामवासे यावत्संबन्धम् अनुस्मरेयुः
samānagrāmavāse yāvatsaṃbandham anusmareyuḥ
- 18
एकवस्त्राः प्राचीनावीतिनः
ekavastrāḥ prācīnāvītinaḥ
- 19
सव्यस्यानामिकयापनोद्याप नः शोशुचदघमिति
savyasyānāmikayāpanodyāpa naḥ śośucadaghamiti
- 20
दक्षिणामुखा निमज्जन्ति
dakṣiṇāmukhā nimajjanti
- 21
प्रेतायोदकम्सकृत्प्रसिञ्चन्त्य् अञ्जलिनासाव् एतत्त उदकमिति
pretāyodakamsakṛtprasiñcanty añjalināsāv etatta udakamiti
- 22
उत्तीर्णाञ्छुचौ देशे शाड्वलवत्य् उपविष्टांस्तत्रैतान् अपवदेयुः
uttīrṇāñchucau deśe śāḍvalavaty upaviṣṭāṃstatraitān apavadeyuḥ
- 23
अनवेक्षमाणा ग्रामम् आयान्ति रीतीभूताः कनिष्ठपूर्वाः
anavekṣamāṇā grāmam āyānti rītībhūtāḥ kaniṣṭhapūrvāḥ
- 24
निवेशनद्वारे पिचुमन्दपत्राणि विदश्याचम्योदकम् अग्निं गोमयं गौरसर्षपांस्तैलम् आलभ्याश्मानम् आक्रम्य प्रविशन्ति
niveśanadvāre picumandapatrāṇi vidaśyācamyodakam agniṃ gomayaṃ gaurasarṣapāṃstailam ālabhyāśmānam ākramya praviśanti
- 25
त्रिरात्रं ब्रह्मचारिणो ऽधःशायिनो न किंचन कर्म कुर्वन्ति न प्रकुर्वन्ति
trirātraṃ brahmacāriṇo 'dhaḥśāyino na kiṃcana karma kurvanti na prakurvanti
- 26
क्रीत्वा लब्ध्वा वा दिवैवान्नमश्नीयुर् अमांसम्
krītvā labdhvā vā divaivānnamaśnīyur amāṃsam
- 27
प्रेताय पिण्डं दत्त्वावनेजनदानप्रत्यवनेजनेषु नामग्राहम्
pretāya piṇḍaṃ dattvāvanejanadānapratyavanejaneṣu nāmagrāham
- 28
मृन्मये तां रात्रीं क्षीरोदके विहायसि निदध्युः प्रेतात्र स्नाहीति
mṛnmaye tāṃ rātrīṃ kṣīrodake vihāyasi nidadhyuḥ pretātra snāhīti
- 29
त्रिरात्रं शावमाशौचम्
trirātraṃ śāvamāśaucam
- 30
दशरात्रमित्येके
daśarātramityeke

