15 shlokas
- 1
शूलगवः
śūlagavaḥ
- 2
स्वर्ग्यः पशव्यः पुत्र्यो धन्यो यशस्य आयुष्यः
svargyaḥ paśavyaḥ putryo dhanyo yaśasya āyuṣyaḥ
- 3
औपासनमरण्यं हृत्वा वितानं साधयित्वा रौद्रं पशुमालभेत
aupāsanamaraṇyaṃ hṛtvā vitānaṃ sādhayitvā raudraṃ paśumālabheta
- 4
साण्डम्
sāṇḍam
- 5
गौर्वा शब्दात्
gaurvā śabdāt
- 6
वपां श्रपयित्वा स्थालीपाकमवदानानि च रुद्राय वपामन्तरिक्षाय वसां स्थालीपाकमिश्रान्यवदानानि जुहोत्यग्नये रुद्राय शर्वाय पशुपतये उग्रायाशनये भवाय महादेवायेशानायेति च
vapāṃ śrapayitvā sthālīpākamavadānāni ca rudrāya vapāmantarikṣāya vasāṃ sthālīpākamiśrānyavadānāni juhotyagnaye rudrāya śarvāya paśupataye ugrāyāśanaye bhavāya mahādevāyeśānāyeti ca
- 7
वनस्पतिस्विष्टकृदन्ते
vanaspatisviṣṭakṛdante
- 8
दिग्व्याघारणम्
digvyāghāraṇam
- 9
व्याघारणान्ते पत्नीः संयाजयन्तीन्द्राण्यै रुद्राण्यै शर्वाण्यै भवान्या अग्निं गृहपतिमिति
vyāghāraṇānte patnīḥ saṃyājayantīndrāṇyai rudrāṇyai śarvāṇyai bhavānyā agniṃ gṛhapatimiti
- 10
लोहितं पालाशेषु कूर्चेषु रुद्राय सेनाभ्यो बलिं हरति यास्ते रुद्र पुरस्तात्सेनास्ताभ्य एष बलिस्ताभ्यस्ते नमो यास्ते रुद्र दक्षिणतः सेनास्ताभ्य एष बलिस्ताभ्यस्ते नमो यास्ते रुद्र पश्चात्सेनास्ताभ्य एष बलिस्ताभ्यस्ते नमो यास्ते रुद्रोत्तरतः सेनास्ताभ्य एष बलिस्ताभ्यस्ते नमो यास्ते रुद्रोपरिष्टात्सेनास्ताभ्य एष बलिस्ताभ्यस्ते नमो यास्ते रुद्राधस्तात्सेनास्ताभ्य एष बलिस्ताभ्यस्ते नम इति
lohitaṃ pālāśeṣu kūrceṣu rudrāya senābhyo baliṃ harati yāste rudra purastātsenāstābhya eṣa balistābhyaste namo yāste rudra dakṣiṇataḥ senāstābhya eṣa balistābhyaste namo yāste rudra paścātsenāstābhya eṣa balistābhyaste namo yāste rudrottarataḥ senāstābhya eṣa balistābhyaste namo yāste rudropariṣṭātsenāstābhya eṣa balistābhyaste namo yāste rudrādhastātsenāstābhya eṣa balistābhyaste nama iti
- 11
ऊवध्यं लोहितलिप्तम् अग्नौ प्रास्यत्य् अधो वा निखनति
ūvadhyaṃ lohitaliptam agnau prāsyaty adho vā nikhanati
- 12
अनुवातं पशुम् अवस्थाप्य रुद्रैर् उपतिष्ठते प्रथमोत्तमाभ्यां वानुवाकाभ्याम्
anuvātaṃ paśum avasthāpya rudrair upatiṣṭhate prathamottamābhyāṃ vānuvākābhyām
- 13
नैतस्य पशोर्ग्रामं हरन्ति
naitasya paśorgrāmaṃ haranti
- 14
एतेनैव गोयज्ञो व्याख्यातः पायसेनानर्थलुप्तः
etenaiva goyajño vyākhyātaḥ pāyasenānarthaluptaḥ
- 15
तस्य तुल्यवया गौर्दक्षिणा
tasya tulyavayā gaurdakṣiṇā

