15 shlokas
- 1
अथातो रथारोहणम्
athāto rathārohaṇam
- 2
युङ्क्तेति रथं संप्रेष्य युक्त इति प्रोक्ते सा विराड् इत्य् एत्य चक्रे अभिमृशति
yuṅkteti rathaṃ saṃpreṣya yukta iti prokte sā virāḍ ity etya cakre abhimṛśati
- 3
रथन्तरमसीति दक्षिणम्
rathantaramasīti dakṣiṇam
- 4
बृहदसीत्युत्तरम्
bṛhadasītyuttaram
- 5
वामदेव्यमसीति कूबरीम्
vāmadevyamasīti kūbarīm
- 6
हस्तेनोपस्थमभिमृशति अङ्कौ न्यङ्कावभितो रथं यौ ध्वान्तं वाताग्रम् अनुसंचरन्तम्
दूरेहेतिर् इन्द्रियवान्पतत्रि ते नो ऽग्नयः पप्रयः पारयन्त्विति
hastenopasthamabhimṛśati aṅkau nyaṅkāvabhito rathaṃ yau dhvāntaṃ vātāgram anusaṃcarantam
dūrehetir indriyavānpatatri te no 'gnayaḥ paprayaḥ pārayantviti
- 7
नमो माणिचरायेति दक्षिणं धुर्यं प्राजति
namo māṇicarāyeti dakṣiṇaṃ dhuryaṃ prājati
- 8
अप्राप्य देवताः प्रत्यवरोहेत्संप्रति ब्राह्मणान्मध्ये गा अभिक्रम्य पितॄन्
aprāpya devatāḥ pratyavarohetsaṃprati brāhmaṇānmadhye gā abhikramya pitṝn
- 9
न स्त्रीब्रह्मचारिणौ सारथी स्याताम्
na strībrahmacāriṇau sārathī syātām
- 10
मुहूर्तम् अतीयाय जपेद् इह रतिर् इह रमध्वम्
muhūrtam atīyāya japed iha ratir iha ramadhvam
- 11
एके मास्त्व् इह रतिर् इति च
eke māstv iha ratir iti ca
- 12
स यदि दुर्बलो रथः स्यात्तम् आस्थाय जपेद् अयं वाम् अश्विना रथो मा दुर्गे मास्तरोरिषद् इति
sa yadi durbalo rathaḥ syāttam āsthāya japed ayaṃ vām aśvinā ratho mā durge māstaroriṣad iti
- 13
स यदि भ्रम्यात्स्तम्भम् उपस्पृश्य भूमिं वा जपेद् एष वाम् अश्विना रथो मा दुर्गे मास्तरोरिषद् इति
sa yadi bhramyātstambham upaspṛśya bhūmiṃ vā japed eṣa vām aśvinā ratho mā durge māstaroriṣad iti
- 14
तस्य न काचनार्त्तिर्न रिष्टिर्भवति
tasya na kācanārttirna riṣṭirbhavati
- 15
यात्वाध्वानं विमुच्य रथं यवसोदके दापयेद् एष उ ह वाहनस्यापह्नव इति श्रुतेः
yātvādhvānaṃ vimucya rathaṃ yavasodake dāpayed eṣa u ha vāhanasyāpahnava iti śruteḥ

