16 shlokas
- 1
यदि दीक्षितानां प्रमीयते दग्ध्वास्थीन्य् उपनह्य यो नेदिष्ठी स्यात्तं दीक्षयित्वा सह यजेरन्
yadi dīkṣitānāṃ pramīyate dagdhvāsthīny upanahya yo nediṣṭhī syāttaṃ dīkṣayitvā saha yajeran
- 2
एतद् अन्यत्कुर्युर् अभिषुत्यान्यत्सोमम् अगृहीत्वा ग्रहान्यासौ दक्षिणा स्रक्तिस्तद्वा स्तुयुर्मार्जालीये वा
etad anyatkuryur abhiṣutyānyatsomam agṛhītvā grahānyāsau dakṣiṇā sraktistadvā stuyurmārjālīye vā
- 3
अपि वा एतस्य यज्ञे यो दीक्षितः प्रमीयते तम् एतेन निरवदयन्ते
api vā etasya yajñe yo dīkṣitaḥ pramīyate tam etena niravadayante
- 4
यामेन स्तुवन्ति यमलोकम् एवैनं गमयन्ति
yāmena stuvanti yamalokam evainaṃ gamayanti
- 5
तिसृभिः स्तुवन्ति तृतीये हि लोके पितरः
tisṛbhiḥ stuvanti tṛtīye hi loke pitaraḥ
- 6
पराचीभिः स्तुवन्ति पराङ्हीतो ऽसौ लोकः
parācībhiḥ stuvanti parāṅhīto 'sau lokaḥ
- 7
सर्पराज्ञ्या ऋग्भिः स्तुवन्ति
sarparājñyā ṛgbhiḥ stuvanti
- 8
अर्बुदः सर्प एताभिर्मृतां त्वचम् अपाहत मृताम् एवैताभिस्त्वचम् अपघ्नते
arbudaḥ sarpa etābhirmṛtāṃ tvacam apāhata mṛtām evaitābhistvacam apaghnate
- 9
ता ऋचो ऽनुब्रुवन्तस्त्रिर्मार्जालीयं परियन्ति सव्यान् ऊरून् आघ्नानाः
tā ṛco 'nubruvantastrirmārjālīyaṃ pariyanti savyān ūrūn āghnānāḥ
- 10
स्तुतम् अनुशंसत्य् अमुष्मिन्न् एवैनं लोके निधुन्वन्ति
stutam anuśaṃsaty amuṣminn evainaṃ loke nidhunvanti
- 11
यन्ति वा एते पथ इत्य् आहुर्ये मृताय कुर्वन्तीत्य् ऐन्द्रवायवाग्रान्ग्रहान्गृह्णते पुनः पन्थानम् अपियन्ति
yanti vā ete patha ity āhurye mṛtāya kurvantīty aindravāyavāgrāngrahāngṛhṇate punaḥ panthānam apiyanti
- 12
अग्न आयूंषि पवस इति प्रतिपत्कार्या य एव जीवन्ति तेष्व् आयुर्दधाति
agna āyūṃṣi pavasa iti pratipatkāryā ya eva jīvanti teṣv āyurdadhāti
- 13
संवत्सरे ऽस्थीनि याजयेयुः संव्वत्सरो वै सर्वस्य शान्तिर्यत्पुरा संव्वत्सराद्याजयेयुर्वाचम् अरुष्कृतां क्रूराम् ऋच्छेयुः
saṃvatsare 'sthīni yājayeyuḥ saṃvvatsaro vai sarvasya śāntiryatpurā saṃvvatsarādyājayeyurvācam aruṣkṛtāṃ krūrām ṛccheyuḥ
- 14
असंमितं स्तोत्रं स्याद् असंमितो ह्यसौ लोकस्त्रिवृतः पवमानाः स्युः सप्तदशम् इतरत्सर्वम्
asaṃmitaṃ stotraṃ syād asaṃmito hyasau lokastrivṛtaḥ pavamānāḥ syuḥ saptadaśam itaratsarvam
- 15
यत्त्रिवृतः पवमाना भवन्ति प्राणा वै त्रिवृत्प्राणान् एवोपयन्ति यत्सप्तदशम् इतरत्सर्वं प्रजापतिर्वै सप्तदशः प्रजापतिम् एवोपयन्ति
yattrivṛtaḥ pavamānā bhavanti prāṇā vai trivṛtprāṇān evopayanti yatsaptadaśam itaratsarvaṃ prajāpatirvai saptadaśaḥ prajāpatim evopayanti
- 16
प्राणापानैर्वा एते व्यृध्यन्त इत्य् आहुर्ये मृताय कुर्वन्तीति मैत्रावरुणाग्रान्ग्रहान्गृह्णते प्राणापानौ मित्रावरुणौ प्राणापानैर् एव समृध्यन्ते
prāṇāpānairvā ete vyṛdhyanta ity āhurye mṛtāya kurvantīti maitrāvaruṇāgrāngrahāngṛhṇate prāṇāpānau mitrāvaruṇau prāṇāpānair eva samṛdhyante

