13 shlokas
- 1
यदि सोमम् अक्रीतम् अपहरेयुर् अन्यः क्रेतव्यः
yadi somam akrītam apahareyur anyaḥ kretavyaḥ
- 2
यदि क्रीतं यो ऽन्यो ऽभ्याशं स्यात्स आहृत्यः सोमविक्रयणे तु किंचिद्दद्यात्
yadi krītaṃ yo 'nyo 'bhyāśaṃ syātsa āhṛtyaḥ somavikrayaṇe tu kiṃciddadyāt
- 3
यदि सोमं न विन्देयुः पूतीकान् अभिषुणुयुर्यदि न पूतीकान् अर्जुनानि
yadi somaṃ na vindeyuḥ pūtīkān abhiṣuṇuyuryadi na pūtīkān arjunāni
- 4
गायत्री सोमम् आहरत्तस्या अनु विसृज्य सोमरक्षिः पर्णम् अछिनत्तस्य यो ऽंशुः परापतत्स पूतीको ऽभवत्तस्मिन्देवा ऊतिम् अविन्दन्न् ऊतीको वा एष यत्पूतीकान् अभिषुण्वन्त्य् ऊतिम् एवास्मै विन्दन्ति
gāyatrī somam āharattasyā anu visṛjya somarakṣiḥ parṇam achinattasya yo 'ṃśuḥ parāpatatsa pūtīko 'bhavattasmindevā ūtim avindann ūtīko vā eṣa yatpūtīkān abhiṣuṇvanty ūtim evāsmai vindanti
- 5
प्रतिधुक्च प्रातः पूतीकाश्च शृतं च मध्यन्दिने पूतीकाश्च दधि चापराह्णे पूतीकाश्च
pratidhukca prātaḥ pūtīkāśca śṛtaṃ ca madhyandine pūtīkāśca dadhi cāparāhṇe pūtīkāśca
- 6
सोमपीथो वा एतस्माद् अपक्रामतीत्य् आहुर्यस्य सोमम् अपहरन्तीति स ओषधीश्च पशूंश्च प्रविशति तम् ओषधिभ्यश्च पशुभ्यश्चावरुन्द्धे
somapītho vā etasmād apakrāmatīty āhuryasya somam apaharantīti sa oṣadhīśca paśūṃśca praviśati tam oṣadhibhyaśca paśubhyaścāvarunddhe
- 7
इन्द्रो वृत्रम् अहंस्तस्य यो नस्तः सोमः समधावत्तानि बभ्रुतूलान्य् अर्जुनानि यो वपाया उत्खिन्नायास्तानि लोहिततूलानि यानि बभ्रुतूलान्य् अर्जुनानि तान्य् अभिषुणुयाद् एतद्वै ब्रह्मणो रूपं साक्षाद् एव सोमम् अभिषुणोति
indro vṛtram ahaṃstasya yo nastaḥ somaḥ samadhāvattāni babhrutūlāny arjunāni yo vapāyā utkhinnāyāstāni lohitatūlāni yāni babhrutūlāny arjunāni tāny abhiṣuṇuyād etadvai brahmaṇo rūpaṃ sākṣād eva somam abhiṣuṇoti
- 8
श्रायन्तीयं ब्रह्मसाम कार्यं सद् एवैनं करोति
śrāyantīyaṃ brahmasāma kāryaṃ sad evainaṃ karoti
- 9
यज्ञायज्ञीयम् अनुष्टुभि प्रोहेद्वाचैवैनं समर्धयति वारवन्तीयम् अग्निष्टोमसाम कार्यम् इन्द्रियस्य वीर्यस्य परिगृहीत्यै
yajñāyajñīyam anuṣṭubhi prohedvācaivainaṃ samardhayati vāravantīyam agniṣṭomasāma kāryam indriyasya vīryasya parigṛhītyai
- 10
पञ्च दक्षिणा देयाः
pañca dakṣiṇā deyāḥ
- 11
पाङ्क्तो यज्ञो यावान्यज्ञस्तम् एवारभते
pāṅkto yajño yāvānyajñastam evārabhate
- 12
अवभृथाद् उदेत्य पुनर्दीक्षेत
avabhṛthād udetya punardīkṣeta
- 13
तत्र तद्दद्याद्यद्दास्यं स्यात्
tatra taddadyādyaddāsyaṃ syāt

