22 shlokas
- 1
हारिवर्णं भवति
hārivarṇaṃ bhavati
- 2
असुरा वा एषु लोकेष्व् आसंस्तान्देवा हरिश्रियम् इत्य् अस्माल्लोकात्प्राणुदन्त विराजसीत्य् अन्तरिक्षाद्दिवो दिव इत्य् अमुष्मात्
asurā vā eṣu lokeṣv āsaṃstāndevā hariśriyam ity asmāllokātprāṇudanta virājasīty antarikṣāddivo diva ity amuṣmāt
- 3
तद्य एवं वेदैभ्यो लोकेभ्यो भ्रातृव्यं प्रणुद्येमांल्लोकान् अभ्यारोहति
tadya evaṃ vedaibhyo lokebhyo bhrātṛvyaṃ praṇudyemāṃllokān abhyārohati
- 4
हरिवर्णो वा एतत्पशुकामः सामापश्यत्तेन सहस्रं पशून् असृजत यद् एतत्साम भवति पशूनां पुष्ट्यै
harivarṇo vā etatpaśukāmaḥ sāmāpaśyattena sahasraṃ paśūn asṛjata yad etatsāma bhavati paśūnāṃ puṣṭyai
- 5
अङ्गिरसः स्वर्गं लोकं यतो रक्षांस्य् अन्वसचन्त तान्य् एतेन हरिवर्णो ऽपाहन्त यद् एतत्साम भवति रक्षसाम् अपहत्यै
aṅgirasaḥ svargaṃ lokaṃ yato rakṣāṃsy anvasacanta tāny etena harivarṇo 'pāhanta yad etatsāma bhavati rakṣasām apahatyai
- 6
पृष्ठानि वा असृज्यन्त तेषां यत्तेजो रसो ऽत्यरिच्यत तद्देवाः समभरंस्तद् उद्वंशीयम् अभवत्
pṛṣṭhāni vā asṛjyanta teṣāṃ yattejo raso 'tyaricyata taddevāḥ samabharaṃstad udvaṃśīyam abhavat
- 7
सर्वेषां वा एतत्पृष्ठानां तेजो यद् उद्वंशीयं तस्माद्वा एतत्पुरा सजाताय नाक्रन्पापवसीयसो विधृत्यै
sarveṣāṃ vā etatpṛṣṭhānāṃ tejo yad udvaṃśīyaṃ tasmādvā etatpurā sajātāya nākranpāpavasīyaso vidhṛtyai
- 8
एष ह्य् एव पृष्ठैस्तुष्टुवानो य उद्वंशीयेन स्तुवते
eṣa hy eva pṛṣṭhaistuṣṭuvāno ya udvaṃśīyena stuvate
- 9
सर्वाणि वै रूपाण्य् उद्वंशीयम्
sarvāṇi vai rūpāṇy udvaṃśīyam
- 10
गायन्ति त्वा गायत्रिण एति रथन्तरस्य रूपम् एति हि रथन्तरम्
gāyanti tvā gāyatriṇa eti rathantarasya rūpam eti hi rathantaram
- 11
आदिर्बृहत ऊर्ध्वम् इव हि बृहत्
ādirbṛhata ūrdhvam iva hi bṛhat
- 12
परिष्टोभो वैरूपस्य परिष्टुभं हि वैरूपम्
pariṣṭobho vairūpasya pariṣṭubhaṃ hi vairūpam
- 13
अनुतोदो वैराजस्यानुतुन्नं हि वैराजम्
anutodo vairājasyānutunnaṃ hi vairājam
- 14
अर्धेडा शक्वरीणाम् अतिस्वारो रेवतीनाम्
ardheḍā śakvarīṇām atisvāro revatīnām
- 15
अर्धेडया वै देवा असुरान् अवहत्यातिस्वारेण स्वर्गं लोकम् आरोहन्
ardheḍayā vai devā asurān avahatyātisvāreṇa svargaṃ lokam ārohan
- 16
तद्य एवं वेदार्धेडयैव भ्रातृव्यम् अवहत्यातिस्वारेण स्वर्गं लोकम् आरोहति
tadya evaṃ vedārdheḍayaiva bhrātṛvyam avahatyātisvāreṇa svargaṃ lokam ārohati
- 17
अर्धेडया वै पूर्वं यज्ञं संस्थापयन्त्य् अतिस्वारेणोत्तरम् आरभन्ते
ardheḍayā vai pūrvaṃ yajñaṃ saṃsthāpayanty atisvāreṇottaram ārabhante
- 18
उपैनम् उत्तरो यज्ञो नमति य एवं वेद
upainam uttaro yajño namati ya evaṃ veda
- 19
पाङ्क्तं वा एतत्साम पाङ्क्तो यज्ञः पाङ्क्ताः पशवो यज्ञ एव पशुषु प्रतितिष्ठति
pāṅktaṃ vā etatsāma pāṅkto yajñaḥ pāṅktāḥ paśavo yajña eva paśuṣu pratitiṣṭhati
- 20
आष्टादंष्ट्रे ऋद्धिकामाय कुर्यात्
āṣṭādaṃṣṭre ṛddhikāmāya kuryāt
- 21
अष्टादंष्ट्रो वैरूपो ऽपुत्रो ऽप्रजा अजीर्यत्स इमां लोकान्विचिछिदिवान् अमन्यत स एते जरसि सामनी अपश्यत्तयोर् अप्रयोगाद् अबिभेत्सो ऽब्रवीद् ऋध्नवद्योभे सामभ्यां स्तवाता इति
aṣṭādaṃṣṭro vairūpo 'putro 'prajā ajīryatsa imāṃ lokānvicichidivān amanyata sa ete jarasi sāmanī apaśyattayor aprayogād abibhetso 'bravīd ṛdhnavadyobhe sāmabhyāṃ stavātā iti
- 22
ऋषेर्वा एतत्प्राशोद्भूतं यद् आष्टादंष्ट्रे भवत ऋद्ध्या एव
ṛṣervā etatprāśodbhūtaṃ yad āṣṭādaṃṣṭre bhavata ṛddhyā eva

