10 shlokas
- 1
गायत्रीषु ब्रह्मवर्चसकामायोक्थानि प्रणयेयुर्गायत्र्यां ब्रह्मसामानुष्टुभ्य् अच्छावाकसाम सैषा गायत्री संपद्यते
gāyatrīṣu brahmavarcasakāmāyokthāni praṇayeyurgāyatryāṃ brahmasāmānuṣṭubhy acchāvākasāma saiṣā gāyatrī saṃpadyate
- 2
तेजो ब्रह्मवर्चसं गायत्री तेज एव ब्रह्मवर्चसम् अवरुन्द्धे
tejo brahmavarcasaṃ gāyatrī teja eva brahmavarcasam avarunddhe
- 3
गायत्रीषु पशुकामायोक्थानि प्रणयेयुर् उष्णिहि ब्रह्मसामानुष्टुभ्य् अच्छावाकसाम सैषोष्णिक्संपद्यते
gāyatrīṣu paśukāmāyokthāni praṇayeyur uṣṇihi brahmasāmānuṣṭubhy acchāvākasāma saiṣoṣṇiksaṃpadyate
- 4
पशवो वा उष्णिक्पशून् एवावरुन्द्धे
paśavo vā uṣṇikpaśūn evāvarunddhe
- 5
गायत्रीषु पुरुषकामायोक्थानि प्रणयेयुः ककुभि ब्रह्मसामानुष्टुभ्य् अच्छावाकसाम सैषा ककुप्संपद्यते
gāyatrīṣu puruṣakāmāyokthāni praṇayeyuḥ kakubhi brahmasāmānuṣṭubhy acchāvākasāma saiṣā kakupsaṃpadyate
- 6
पुरुषो वै ककुप्पुरुषान् एवावरुन्द्धे
puruṣo vai kakuppuruṣān evāvarunddhe
- 7
विराट्स्व् अन्नाद्यकामायोक्थानि प्रणयेयुर् उष्णिहि ब्रह्मसामानुष्टुभ्य् अच्छावाकसाम सैषा विराट्संपद्यते
virāṭsv annādyakāmāyokthāni praṇayeyur uṣṇihi brahmasāmānuṣṭubhy acchāvākasāma saiṣā virāṭsaṃpadyate
- 8
अन्नं विराड् अन्नाद्यम् एवावरुन्द्धे
annaṃ virāḍ annādyam evāvarunddhe
- 9
अक्षरपङ्क्तिषु ज्यैष्ठ्यकामायोक्थानि प्रणयेयुर् उष्णिहि ब्रह्मसामानुष्टुभ्य् अच्छावाकसाम सैषानुष्टुप्संपद्यते
akṣarapaṅktiṣu jyaiṣṭhyakāmāyokthāni praṇayeyur uṣṇihi brahmasāmānuṣṭubhy acchāvākasāma saiṣānuṣṭupsaṃpadyate
- 10
ज्यैष्ठ्यं वा अनुष्टुब्ज्यैष्ठ्यम् एवावरुन्द्धे
jyaiṣṭhyaṃ vā anuṣṭubjyaiṣṭhyam evāvarunddhe

