17 shlokas
- 1
अत्र उन्मत्तः स एव
atra unmattaḥ sa eva
- 2
निरुक्तमस्य पूर्वोक्तम्मूढ इति
niruktamasya pūrvoktammūḍha iti
- 3
मुहु अपरिज्ञाने
muhu aparijñāne
- 4
अव्यक्तोऽयं प्रेतोऽयम् उन्मत्तोऽयं मूढोऽयं मूर्खोऽयमिति वक्तारो वदन्तीत्यर्थः
avyakto'yaṃ preto'yam unmatto'yaṃ mūḍho'yaṃ mūrkho'yamiti vaktāro vadantītyarthaḥ
- 5
इतिशब्दोऽर्थानां निर्वचनत्वात्प्रकरणपरिसमाप्त्यर्थः
itiśabdo'rthānāṃ nirvacanatvātprakaraṇaparisamāptyarthaḥ
- 6
एवं यस्माद् अवस्थानकालदेशक्रियाप्रयोगप्रयोजनगोपनवसत्यर्थकृत्स्नतपांसि च व्याख्यातानि
evaṃ yasmād avasthānakāladeśakriyāprayogaprayojanagopanavasatyarthakṛtsnatapāṃsi ca vyākhyātāni
- 7
एवम् इत्यतिक्रान्तापेक्षणे
evam ityatikrāntāpekṣaṇe
- 8
मन्यते इत्यवधारणे
manyate ityavadhāraṇe
- 9
इतरे इति गृहस्थब्रह्मचारिवानप्रस्थभिक्षुपाषण्डिनां ब्रह्मचर्याधिकृतानां ग्रहणम्
itare iti gṛhasthabrahmacārivānaprasthabhikṣupāṣaṇḍināṃ brahmacaryādhikṛtānāṃ grahaṇam
- 10
जना इति
janā iti
- 11
जनी प्रादुर्भावे
janī prādurbhāve
- 12
जना इति वर्णाश्रमिणां जनानाम् अधिकृतानां ग्रहणम् उक्तं हि
जनेन हि जनो जातः जनं जनयसे जन
जनं शोचसि नात्मानं मात्मानं शोच मा जनम्
janā iti varṇāśramiṇāṃ janānām adhikṛtānāṃ grahaṇam uktaṃ hi
janena hi jano jātaḥ janaṃ janayase jana
janaṃ śocasi nātmānaṃ mātmānaṃ śoca mā janam
- 13
इत्येवं वक्तारो वदन्तीत्यर्थः
ityevaṃ vaktāro vadantītyarthaḥ
- 14
अत्रेदम् आधिकारिकम् असन्मानचरिप्रकरणं समाप्तम्
atredam ādhikārikam asanmānacariprakaraṇaṃ samāptam
- 15
आह व्रतादीनि गोपयित्वा सम्यक्साधनप्रयोगे उत्सृष्टोपयोगे च ततः को गुणः यं गुणं ज्ञात्वा अव्यक्तप्रेतोन्मत्ताद्या वादा निष्पाद्या इति
āha vratādīni gopayitvā samyaksādhanaprayoge utsṛṣṭopayoge ca tataḥ ko guṇaḥ yaṃ guṇaṃ jñātvā avyaktapretonmattādyā vādā niṣpādyā iti
- 16
तदुच्यते तं गुणं ज्ञात्वा वक्ष्यामः
taducyate taṃ guṇaṃ jñātvā vakṣyāmaḥ
- 17
अपि च अव्यक्तप्रेतोन्मत्ताद्यं ब्राह्मणकर्मविरुद्धं क्रमं दृष्ट्वा यावदयं शिष्यः एनमर्थं न ब्रवीति तत्तस्य हृदिस्थम् अशङ्कितम् उपलभ्योत्तरं ब्रूम इति कृत्वा भगवानिदं सूत्रमुवाच
api ca avyaktapretonmattādyaṃ brāhmaṇakarmaviruddhaṃ kramaṃ dṛṣṭvā yāvadayaṃ śiṣyaḥ enamarthaṃ na bravīti tattasya hṛdistham aśaṅkitam upalabhyottaraṃ brūma iti kṛtvā bhagavānidaṃ sūtramuvāca

